చందంపేట, అక్టోబర్ 30 (Ayush 24 News):
దేవరకొండ నియోజకవర్గంలోని చందంపేట మండలంలో అనారోగ్యంతో బాధపడుతున్న వారిని, మృతి చెందిన కాంగ్రెస్ పార్టీ నాయకులు, కార్యకర్తల కుటుంబాలను దేవరకొండ ఎమ్మెల్యే శ్రీ నేనావత్ బాలు నాయక్ పరామర్శించారు. బాధిత కుటుంబాల ఇబ్బందులను అడిగి తెలుసుకుని, వారికి ధైర్యం చెప్పారు. కష్టసుఖాల్లో కాంగ్రెస్ పార్టీ నాయకులు, కార్యకర్తలకు ఎల్లప్పుడూ అండగా ఉంటామని భరోసా కల్పించారు.
మాజీ సర్పంచ్ సోమణి నాయక్‌కు పరామర్శ
రేకులగడ్డ మాజీ సర్పంచ్ కేతావత్ సోమణి నాయక్ అనారోగ్యంతో బాధపడుతున్న విషయం తెలుసుకున్న ఎమ్మెల్యే బాలు నాయక్ తెల్దేవరపల్లిలోని వారి నివాసానికి వెళ్లి పరామర్శించారు. ఆరోగ్య పరిస్థితిని అడిగి తెలుసుకుని త్వరగా కోలుకోవాలని ఆకాంక్షించారు. కుటుంబ సభ్యులకు ధైర్యం చెప్పారు.
బొడ్డుపల్లి లక్ష్మమ్మ మృతికి నివాళులు
తెల్దేవరపల్లి గ్రామానికి చెందిన కాంగ్రెస్ పార్టీ నాయకులు బొడ్డుపల్లి అనిల్, సతీష్‌ల తల్లి బొడ్డుపల్లి లక్ష్మమ్మ ఇటీవల అనారోగ్యంతో మృతి చెందారు. విషయం తెలుసుకున్న ఎమ్మెల్యే వారి నివాసానికి వెళ్లి లక్ష్మమ్మ చిత్రపటానికి పూలమాల వేసి నివాళులర్పించారు. కుటుంబ సభ్యులను పరామర్శించి ప్రగాఢ సానుభూతి తెలిపారు.
మాజీ సర్పంచ్ రామావత్ గోప్య నాయక్ కుటుంబానికి పరామర్శ
చందంపేట మండలం ఉమ్మడి పోలేపల్లి (బిల్డింగ్ తండా) గ్రామానికి చెందిన కాంగ్రెస్ పార్టీ సీనియర్ నాయకుడు, మాజీ సర్పంచ్ రామావత్ గోప్య నాయక్ మృతి పట్ల ఎమ్మెల్యే తీవ్ర విచారం వ్యక్తం చేశారు. వారి నివాసానికి వెళ్లి కుటుంబ సభ్యులను పరామర్శించి ప్రగాఢ సానుభూతి తెలిపారు.
సబావత్ భాష కుటుంబానికి రూ.20 వేల ఆర్థిక సహాయం
బండమీది తండాకు చెందిన కాంగ్రెస్ పార్టీ వార్డు సభ్యుడు సబావత్ భాష ఇటీవల గుండెపోటుతో మృతి చెందారు. ఆయన కుటుంబాన్ని ఎమ్మెల్యే పరామర్శించి, చందంపేట మండల కాంగ్రెస్ పార్టీ తరఫున రూ.20 వేల ఆర్థిక సహాయాన్ని అందజేశారు. ఆపద సమయంలో పార్టీ కార్యకర్తల కుటుంబాలకు అండగా ఉంటామని భరోసా ఇచ్చారు.
మూఢవత్ శంకర్ కుటుంబానికి ఆర్థిక భరోసా
బండమీది తండాకు చెందిన మూఢవత్ శంకర్ అనారోగ్యంతో మృతి చెందడంతో ఎమ్మెల్యే బాలు నాయక్ వారి నివాసానికి వెళ్లి కుటుంబ సభ్యులను పరామర్శించారు. శంకర్ మృతి పట్ల సంతాపం వ్యక్తం చేసి, కుటుంబ సభ్యులకు ధైర్యం చెప్పారు. అనంతరం మండల కాంగ్రెస్ పార్టీ తరఫున రూ.20 వేల ఆర్థిక సహాయాన్ని అందజేశారు.
ఈ సందర్భంగా పార్టీ నాయకులు మాట్లాడుతూ కాంగ్రెస్ పార్టీ నాయకులు, కార్యకర్తల కుటుంబాలకు ఎల్లప్పుడూ అండగా ఉంటామని, ఆపద సమయంలో బాధిత కుటుంబాలకు అండగా నిలవడం తమ బాధ్యత అని పేర్కొన్నారు.
ఈ కార్యక్రమాల్లో దొండేటి మల్లారెడ్డి, ఏడుపుల గోవింద్ యాదవ్, జర్పుల బధ్యా నాయక్, కిన్నెర హరికృష్ణ, వాంకునావత్ పాపా నాయక్, కేతావత్ మకట్ లాల్, నేనావత్ భరత్, బొద్దికూర మహాలక్ష్మయ్య, ఆయా గ్రామాల సర్పంచులు, ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, గ్రామస్తులు తదితరులు పాల్గొన్నారు.
Ayush 24 News

Mahamood MohammedAY24-R-0008· 30 Oct 2026 · 11:55

📷 ఈ వార్తకు సంబంధించిన ఫోటోలు