కల్వకుంట్ల కవిత నియామకం.. పార్టీ బలోపేతానికి కృషి చేస్తానన్న శివ నాయక్

దేవరకొండ, సెప్టెంబర్ 15 (అయుష్ 24 న్యూస్):
దేవరకొండ నియోజకవర్గం టీఆర్‌ఎస్ (తెలంగాణ రక్షణ సేన పార్టీ) ఇన్‌చార్జిగా మండలంలోని కట్ట కొమ్ముతండాకు చెందిన నేనావత్ శివ నాయక్ను నియమించినట్లు ఆ పార్టీ రాష్ట్ర అధ్యక్షురాలు కల్వకుంట్ల కవిత మంగళవారం ప్రకటించినట్లు పార్టీ వర్గాలు తెలిపాయి.

ఈ సందర్భంగా కల్వకుంట్ల కవిత మాట్లాడుతూ.. రాబోయే రోజుల్లో దేవరకొండ నియోజకవర్గంలో పార్టీ కార్యక్రమాలను సమన్వయం చేస్తూ పార్టీ బలోపేతానికి శివ నాయక్ కృషి చేయాలని సూచించినట్లు తెలిపారు. దేవరకొండ నియోజకవర్గం నుంచి పార్టీ అభ్యర్థిగా కూడా శివ నాయక్‌ను ప్రకటించినట్లు పేర్కొన్నారు.

🗣️ పార్టీ బలోపేతానికి కృషి చేస్తా: శివ నాయక్

తనకు దేవరకొండ నియోజకవర్గం ఇన్‌చార్జిగా బాధ్యతలు అప్పగించిన కల్వకుంట్ల కవితకు, పార్టీ రాష్ట్ర నాయకత్వానికి శివ నాయక్ కృతజ్ఞతలు తెలిపారు.

పార్టీ ఆదేశాల మేరకు దేవరకొండ నియోజకవర్గంలోని నాయకులు, కార్యకర్తలు, పార్టీ అభిమానులు, శ్రేయోభిలాషులను సమన్వయం చేసుకుని పార్టీ బలోపేతానికి కృషి చేస్తానన్నారు.

రాబోయే రోజుల్లో తెలంగాణలో టీఆర్‌ఎస్ పార్టీ అధికారంలోకి వచ్చేలా క్షేత్రస్థాయిలో పనిచేస్తానని, కల్వకుంట్ల కవితను ముఖ్యమంత్రిగా చూడాలనే లక్ష్యంతో పార్టీ శ్రేణులతో కలిసి పనిచేస్తానని శివ నాయక్ తెలిపారు.

శివ నాయక్ నియామకంపై పార్టీ నాయకులు, కార్యకర్తలు హర్షం వ్యక్తం చేస్తూ ఆయనకు అభినందనలు తెలిపారు.

– అయుష్ 24 న్యూస్
THE VOICE OF TRUTH

Musini.AnjanAY24-R-0011· 15 Sep 2026 · 15:29