కొండమల్లేపల్లిలో అక్రమ నాటు సారా తయారీకి తరలిస్తున్న నల్ల బెల్లం స్వాధీనం

2,250 కిలోల నల్ల బెల్లం, 250 కిలోల పట్టికతో బొలెరో వాహనం సీజ్ – నాటు సారా తయారిపై కఠిన చర్యలు: ఎక్సైజ్ అధికారులు

AYUSH24 NEWS | కొండమల్లేపల్లి

కొండమల్లేపల్లి మండలంలో అక్రమంగా నాటు సారా తయారీకి వినియోగించే నల్ల బెల్లాన్ని తరలిస్తున్న వాహనాన్ని ఎక్సైజ్ అధికారులు సోమవారం పట్టుకున్నారు.

హైదరాబాద్ ఎక్సైజ్ విభాగం, దేవరకొండ ఎక్సైజ్ శాఖ అధికారులు సంయుక్తంగా నిర్వహించిన తనిఖీల్లో మండలంలోని ఆంబోతు తండా వద్ద అనుమానాస్పదంగా వెళ్తున్న బొలెరో వాహనాన్ని తనిఖీ చేశారు. ఈ సందర్భంగా వాహనంలో అక్రమంగా తరలిస్తున్న 2,250 కిలోల నల్ల బెల్లం, 250 కిలోల పట్టికను గుర్తించి స్వాధీనం చేసుకున్నారు.

దీనితో పాటు బొలెరో వాహనాన్ని కూడా సీజ్ చేసినట్లు ఎక్సైజ్ ఎస్‌హెచ్‌ఓ శ్రీనివాస్ తెలిపారు. నాటు సారా తయారీ, రవాణా, విక్రయాలకు పాల్పడే వారిపై చట్టపరంగా కఠిన చర్యలు తీసుకుంటామని హెచ్చరించారు.

ఈ దాడిలో ఎక్సైజ్ ఎస్‌ఐలు, సిబ్బంది పాల్గొన్నారు.

– AYUSH24 NEWS | The Voice of Truth