బాపూఘాట్‌లో గవర్నర్ శివ ప్రతాప్ శుక్లాతో కలిసి పుష్పాంజలి
హైదరాబాద్, అక్టోబర్ 02, 2026, AYUSH24 NEWS ప్రతినిధి:
మహాత్మా గాంధీ జయంతిని పురస్కరించుకొని హైదరాబాద్ లంగర్‌హౌస్‌లోని బాపూఘాట్‌లో గాంధీజీకి తెలంగాణ గవర్నర్ శివ ప్రతాప్ శుక్లా, ముఖ్యమంత్రి రేవంత్ రెడ్డి ఘనంగా నివాళులర్పించారు. బాపూఘాట్‌కు చేరుకున్న గవర్నర్, సీఎం గాంధీజీకి పుష్పాంజలి ఘటించారు.
అనంతరం అక్కడ ఏర్పాటు చేసిన సర్వమత ప్రార్థనల్లో గవర్నర్, ముఖ్యమంత్రి పాల్గొన్నారు.
ఈ కార్యక్రమంలో ఉపముఖ్యమంత్రి మల్లు భట్టి విక్రమార్క, టీపీసీసీ అధ్యక్షుడు మహేష్ కుమార్ గౌడ్, మంత్రులు పొంగులేటి శ్రీనివాసరెడ్డి, అజహరుద్దీన్, ఎంపీ వేం నరేందర్ రెడ్డి, ప్రభుత్వ సలహాదారు వి.హనుమంతరావు, ప్రభుత్వ విప్‌లు అద్దంకి దయాకర్, రామచంద్రనాయక్‌తో పాటు పలువురు ఎమ్మెల్యేలు, సీనియర్ కాంగ్రెస్ నాయకులు పాల్గొన్నారు.
రాష్ట్ర ప్రభుత్వ ప్రధాన కార్యదర్శి సంజయ్ జాజు, డీజీపీ సీవీ ఆనంద్‌తో పాటు ఇతర ఉన్నతాధికారులు కూడా కార్యక్రమానికి హాజరై మహాత్మా గాంధీకి నివాళులర్పించారు.
Leave a Reply