వివిధ ప్రాంతాల్లో పర్యటించి బాధిత కుటుంబాలకు పరామర్శ

మృతుల కుటుంబ సభ్యులకు ధైర్యం చెప్పి ప్రగాఢ సానుభూతి తెలిపిన మున్సిపల్ పాలకవర్గం

మంథని, అక్టోబర్ 26, 2026, AYUSH24 NEWS ప్రతినిధి:

మంథని మున్సిపల్ చైర్మన్ వొడ్నాల శ్రీనివాస్ వివిధ ప్రాంతాల్లో ఇటీవల మృతి చెందిన వారి కుటుంబాలను పరామర్శించారు. మున్సిపల్ వైస్ చైర్మన్ ముస్కుల సహేందర్ రెడ్డి, పాలకవర్గ సభ్యులు **కుర్ర లింగయ్య, ఎల్లంకి వంశీధర్**తో కలిసి బాధిత కుటుంబ సభ్యులను పరామర్శించి ప్రగాఢ సానుభూతి తెలిపారు.

ఈ సందర్భంగా కమాన్పూర్ మార్కెట్ కమిటీ చైర్మన్ వైనాల రాజు తండ్రి వైనాల సాంబయ్య, బోయినిపేటకు చెందిన సౌల్ల లక్ష్మి, బేగంపేటకు చెందిన ముత్తే అరవింద్ కళ్యాణ్, అంబేద్కర్ నగర్‌కు చెందిన బూడిద శంకర్ ఇటీవల మృతి చెందడంతో వారి కుటుంబ సభ్యులను కలిసి పరామర్శించారు.

ఆప్తులను కోల్పోయి దుఃఖంలో ఉన్న కుటుంబ సభ్యులకు ధైర్యం చెప్పారు. మృతుల ఆత్మలకు శాంతి చేకూరాలని, వారి కుటుంబ సభ్యులకు ఈ కష్టకాలాన్ని ఎదుర్కొనే మనోధైర్యం ప్రసాదించాలని ప్రార్థించారు.

ఈ పరామర్శ కార్యక్రమంలో జంభోజు సమ్మయ్య, గౌతమేశ్వర స్వామి దేవాలయ చైర్మన్ గుండా రాజు తదితర నాయకులు పాల్గొన్నారు.