దేవరకొండ

అక్కాచెల్లెళ్ల పుట్టినరోజు ఒకేరోజు.. ఇంటిల్లిపాదికి సంతోషాల హరివిల్లు

AYUSH24 NEWS Reporter

September 28, 2026 · 1 min read

వయసులో తేడా ఉన్నా సెప్టెంబర్ 28నే గాయత్రి, చంద్రిక జన్మదినం

దేవరకొండ: సెప్టెంబర్ 28 (AYUSH24 News ప్రతినిధి)

అక్కాచెల్లెళ్ల పుట్టినరోజు ఒకేరోజు రావడం ఆ కుటుంబంలో ప్రత్యేక ఆనందాన్ని నింపింది. దేవరకొండ పట్టణంలోని శ్రీ అయ్యప్ప స్వామి దేవాలయంలో అర్చకుడిగా పనిచేస్తున్న గుడిపాటి గోవర్ధన చారి, సుస్మిత దంపతుల కుమార్తెలు గాయత్రి, చంద్రిక పుట్టినరోజు సెప్టెంబర్ 28నే కావడం విశేషంగా నిలిచింది.

వయసులో తేడా.. పుట్టినరోజు మాత్రం ఒకటే

అక్కాచెల్లెళ్ల మధ్య వయసులో తేడా ఉన్నప్పటికీ ఇద్దరి జన్మదినం ఒకే తేదీన రావడం తమ కుటుంబానికి ఎంతో ఆనందాన్ని కలిగిస్తోందని తల్లిదండ్రులు తెలిపారు. ప్రతి సంవత్సరం సెప్టెంబర్ 28న ఇద్దరు కుమార్తెల పుట్టినరోజును ఒకేసారి జరుపుకోవడం తమకు ప్రత్యేక అనుభూతిని ఇస్తుందని పేర్కొన్నారు.

చిన్నారులకు తల్లిదండ్రుల ప్రత్యేక కానుక

తమ మొదటి కుమార్తె సెప్టెంబర్ 28న జన్మించగా, రెండో కుమార్తె కూడా సెప్టెంబర్ 28నే శస్త్రచికిత్స ద్వారా జన్మించిందని గోవర్ధన చారి, సుస్మిత తెలిపారు. ఇద్దరు కుమార్తెల పుట్టినరోజు ఒకేరోజు ఉండేలా కావడం వారికి తాము అందించిన ప్రత్యేక కానుకగా భావిస్తున్నామని పేర్కొన్నారు.

సెప్టెంబర్ 28న గాయత్రి, చంద్రిక జన్మదినాన్ని కుటుంబ సభ్యులు, బంధువుల సమక్షంలో ఆనందంగా జరుపుకునేందుకు ఏర్పాట్లు చేసినట్లు గుడిపాటి గోవర్ధన చారి, సుస్మిత దంపతులు తెలిపారు.

అయుష్ 24 న్యూస్ — The Voice of Truth