కుటుంబ సమేతంగా దుర్గామాతను దర్శించుకున్న మాజీ ఎమ్మెల్యే పుట్ట మధూకర్, మాజీ మున్సిపల్ చైర్‌పర్సన్ పుట్ట శైలజ
దీక్షాపరులకు మహా అన్నదానం.. స్వయంగా భిక్ష వడ్డించిన పుట్ట దంపతులు
మంథని, అక్టోబర్ 17, 2026, AYUSH24 NEWS ప్రతినిధి:
దుర్గామాత అమ్మవారి ఆశీస్సులతో మంథని నియోజకవర్గ ప్రజలందరూ సుఖసంతోషాలతో, ఆయురారోగ్యాలతో, సుభిక్షంగా ఉండాలని మంథని మాజీ ఎమ్మెల్యే పుట్ట మధూకర్ ఆకాంక్షించారు.
దుర్గాదేవి నవరాత్రోత్సవాల్లో భాగంగా మంథని పట్టణంలోని హనుమాన్‌నగర్‌లో గల **శ్రీ దుర్గాదేవి సంస్థాన్**లో ప్రతిష్ఠించిన అమ్మవారిని మాజీ ఎమ్మెల్యే పుట్ట మధూకర్, మాజీ మున్సిపల్ చైర్‌పర్సన్ పుట్ట శైలజ కుటుంబ సమేతంగా దర్శించుకున్నారు. ఈ సందర్భంగా అమ్మవారికి ప్రత్యేక పూజలు నిర్వహించి ఆశీస్సులు పొందారు.
దీక్షాపరులకు మహా అన్నదానం
అనంతరం పుట్ట దంపతుల ఆధ్వర్యంలో మహా అన్నదాన కార్యక్రమాన్ని నిర్వహించారు. ఈ సందర్భంగా దుర్గామాత దీక్షాపరులకు పుట్ట మధూకర్, పుట్ట శైలజ స్వయంగా భిక్ష వడ్డించారు.
భక్తిశ్రద్ధలతో నిర్వహించిన ఈ కార్యక్రమంలో దీక్షాపరులకు అన్నప్రసాదాన్ని అందజేశారు.
పుట్ట దంపతులకు ఘన సత్కారం
మహా అన్నదాన కార్యక్రమాన్ని ఏర్పాటు చేసిన పుట్ట దంపతులకు దీక్షాపరులు ప్రత్యేక కృతజ్ఞతలు తెలియజేశారు. ఈ సందర్భంగా పుట్ట మధూకర్, పుట్ట శైలజ దంపతులను శాలువాతో సత్కరించి అభినందించారు.
అమ్మవారి కృపాకటాక్షాలు ప్రజలందరిపై ఉండాలని, ప్రతి కుటుంబం సుఖశాంతులతో జీవించాలని పుట్ట మధూకర్ ఆకాంక్షించారు.
Leave a Reply