విగ్రహాన్ని ఆవిష్కరించిన రవాణా శాఖ మంత్రి పొన్నం ప్రభాకర్
కరీంనగర్ జిల్లా: సెప్టెంబర్ 26 (AYUSH24 News ప్రతినిధి)
కరీంనగర్ జిల్లా కేంద్రంలోని ఆర్టీసీ బస్టాండ్ ప్రాంగణంలో డాక్టర్ బి.ఆర్. అంబేద్కర్ విగ్రహాన్ని శనివారం రవాణా శాఖ మంత్రి పొన్నం ప్రభాకర్ ఆవిష్కరించారు.
ఈ కార్యక్రమంలో వాకిటి శ్రీహరి, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ, మేయర్ కొలగాని శ్రీనివాస్, మాజీ ఎమ్మెల్యే ఆరేపల్లి మోహన్, జిల్లా కలెక్టర్, కరీంనగర్ పోలీస్ కమిషనర్, అదనపు కలెక్టర్లు, ఆర్టీసీ అధికారులు, సిబ్బంది పాల్గొన్నారు.
అనంతరం ఏర్పాటు చేసిన సభలో మంత్రి పొన్నం ప్రభాకర్ మాట్లాడుతూ రోజూ వేలాది మంది ప్రయాణికులు రాకపోకలు సాగించే కరీంనగర్ బస్టాండ్‌లో బాబాసాహెబ్ అంబేద్కర్ విగ్రహాన్ని ఏర్పాటు చేసుకోవడం ఎంతో సంతోషంగా ఉందన్నారు. కరీంనగర్ బస్టాండ్‌కు అంబేద్కర్ పేరు పెట్టాలని 13 సంవత్సరాల క్రితం ప్రతిపాదించామని, ఇప్పుడు ఆ కల నెరవేరిందని తెలిపారు.
రాజ్యాంగ నిర్మాత డాక్టర్ బి.ఆర్. అంబేద్కర్ విగ్రహాన్ని ఏర్పాటు చేయడం గొప్ప విషయమని ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ పేర్కొన్నారు.
డాక్టర్ బి.ఆర్. అంబేద్కర్ విగ్రహాన్ని ఏర్పాటు చేయడంతో పాటు కరీంనగర్ బస్టాండ్‌కు ఆయన పేరు పెట్టడం అందరికీ గర్వకారణమని మాజీ ఎమ్మెల్యే సత్యనారాయణ అన్నారు.
అయుష్ 24 న్యూస్ — The Voice of Truth
Leave a Reply