పెద్దపల్లి నియోజకవర్గంలో త్వరలో 9 అడుగుల కాంస్య విగ్రహం ఏర్పాటు చేస్తామని వెల్లడి

పెద్దపల్లి: సెప్టెంబర్ 27 (AYUSH24 News ప్రతినిధి)

తెలంగాణ తొలి, మలి దశ ఉద్యమాల్లో కీలక పాత్ర పోషించి, వెనుకబడిన వర్గాల హక్కుల కోసం జీవితాంతం కృషి చేసిన మహనీయుడు ఆచార్య కొండా లక్ష్మణ్ బాపూజీ అని బీఆర్ఎస్ నాయకురాలు, బీసీ జేఏసీ చైర్మన్ దాసరి ఉష పేర్కొన్నారు. కొండా లక్ష్మణ్ బాపూజీ జయంతి సందర్భంగా ఆయనను స్మరించుకుంటూ నివాళులర్పించారు.

ఈ సందర్భంగా దాసరి ఉష మాట్లాడుతూ కొండా లక్ష్మణ్ బాపూజీ త్యాగాలు, ఆశయాలు ప్రతి ఒక్కరికీ మార్గదర్శకమని పేర్కొన్నారు. ఆయన ఆశయాలను సాకారం చేయడమే ఆయనకు ఇచ్చే నిజమైన నివాళి అని అన్నారు. తమ హక్కులు, ఆత్మగౌరవం కోసం బీసీలందరూ ఏకతాటిపైకి వచ్చి ఐక్యంగా ముందుకు సాగాలని పిలుపునిచ్చారు.

కొండా లక్ష్మణ్ బాపూజీ సేవలు, ఉద్యమ స్ఫూర్తిని భవిష్యత్ తరాలకు తెలియజేసేందుకు పెద్దపల్లి నియోజకవర్గంలో త్వరలోనే ఆయన 9 అడుగుల కాంస్య విగ్రహాన్ని ఏర్పాటు చేయనున్నట్లు దాసరి ఉష వెల్లడించారు. బాపూజీ చూపిన బాటలో నడుస్తూ బహుజన వర్గాల అభ్యున్నతికి ప్రతి ఒక్కరూ కృషి చేయాలని కోరారు.

ఈ కార్యక్రమంలో ప్రజాప్రతినిధులు, వివిధ సంఘాల నాయకులు, మేధావులు, కళాకారులు, కుల సంఘాల ప్రతినిధులు, ప్రజలు పెద్ద సంఖ్యలో పాల్గొన్నారు.

అయుష్ 24 న్యూస్ — The Voice of Truth

KAVETI SAMMAIAHAY24-R-0006· 27 Sep 2026 · 13:37