శ్రీ సాయినాథుల 108వ పుణ్యతిథి సందర్భంగా 108 కలశాలతో ప్రత్యేక అభిషేకం

హరికథా గానంతో భక్తిమయంగా మారిన ఆలయ ప్రాంగణం

చింతపల్లి, అక్టోబర్ 18, 2026, AYUSH24 NEWS ప్రతినిధి:

చింతపల్లిలోని శ్రీ సాయి సన్నిధిలో దేవీ శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా శనివారం అమ్మవారు శ్రీ మహాలక్ష్మీదేవి అవతారంలో భక్తులకు దర్శనమిచ్చారు. ఈ సందర్భంగా ఆలయంలో మహాలక్ష్మీదేవి హోమం, కుంకుమార్చనతో పాటు ప్రత్యేక పూజా కార్యక్రమాలను ఘనంగా నిర్వహించారు.

108 కలశాలతో సాయినాథులకు ప్రత్యేక అభిషేకం

శ్రీ సాయినాథుల వారి 108వ పుణ్యతిథి (సమాధి) ఉత్సవాలను పురస్కరించుకుని ఆలయంలో విశేష పూజలు నిర్వహించారు. ఈ సందర్భంగా 108 కలశాలతో శ్రీ సాయినాథులకు శుష్కఫలాలతో (డ్రై ఫ్రూట్స్) ప్రత్యేక అభిషేకం నిర్వహించారు.

భక్తులు పెద్ద సంఖ్యలో హాజరై ప్రత్యేక పూజల్లో పాల్గొని శ్రీ సాయినాథుల ఆశీస్సులు పొందారు. హోమాలు, కుంకుమార్చన, అభిషేక కార్యక్రమాలతో ఆలయ ప్రాంగణం ఆధ్యాత్మిక శోభను సంతరించుకుంది.

హరికథా గానంతో భక్తులకు ఆధ్యాత్మికానందం

ప్రత్యేక పూజల అనంతరం బంగారు లక్ష్మీ భగవతారిణి పార్వతీ కల్యాణం హరికథా గానం నిర్వహించి భక్తులను అలరించారు. హరికథా గానాన్ని భక్తులు ఆసక్తిగా తిలకించారు.

దేవీ శరన్నవరాత్రి ఉత్సవాలు, శ్రీ సాయినాథుల పుణ్యతిథి సందర్భంగా నిర్వహించిన విశేష పూజలు, హరికథా కార్యక్రమాలతో శ్రీ సాయి సన్నిధి ఆలయ ప్రాంగణం భక్తిపారవశ్యంతో మార్మోగింది.

ఈ కార్యక్రమంలో ఆలయ చైర్మన్, కమిటీ సభ్యులు, భక్తులు తదితరులు పాల్గొన్నారు.

Musini.AnjanAY24-R-0011· 18 Oct 2026 · 11:16