ఉమ్మడి నల్లగొండ

చేనేత సహకార సంఘంలో పూర్తి పారదర్శక పాలన అందిస్తా: చైర్మన్ చేరుపల్లి బాలరాజు

AYUSH24 NEWS Reporter

September 26, 2026 · 1 min read

సంఘ సభ్యుల ఆర్థిక అభివృద్ధే ధ్యేయమని వెల్లడి

దేవరకొండ: సెప్టెంబర్ 26 (AYUSH24 News ప్రతినిధి)

చేనేత సహకార సంఘాన్ని బలోపేతం చేయడంతో పాటు సంఘ సభ్యుల ఆర్థిక అభివృద్ధే ధ్యేయంగా నూతన ప్రణాళికలతో ముందుకు వెళ్తామని దేవరకొండ చేనేత సహకార సంఘం చైర్మన్ చేరుపల్లి బాలరాజు అన్నారు. వచ్చే ఏడాది వరకు లబ్ధిదారులకు తగిన విధంగా ప్రయోజనం చేకూరేలా కార్యాచరణ చేపడతామని తెలిపారు.

దేవరకొండ చేనేత సహకార సంఘం 75వ వార్షిక, 67వ సాధారణ సమావేశం శనివారం సంఘ భవనంలో జరిగింది. ఈ సందర్భంగా చేనేత పతాకాన్ని ఆవిష్కరించి, కొండ లక్ష్మణ్ బాపూజీ విగ్రహానికి పూలమాల వేసి నివాళులర్పించారు.

అనంతరం జరిగిన సమావేశంలో చేరుపల్లి బాలరాజు మాట్లాడుతూ యువతను చేనేత రంగం వైపు ప్రోత్సహించేందుకు చేనేత వస్త్రాల విక్రయాలను ఏర్పాటు చేస్తామని తెలిపారు. గతానికి భిన్నంగా సంఘ కార్యకలాపాలను పూర్తి పారదర్శకంగా నిర్వహిస్తామని పేర్కొన్నారు. తనకు పూర్తి సహకారం అందిస్తున్న సంఘ సభ్యులు, కమిటీ సభ్యులకు ధన్యవాదాలు తెలిపారు.