దేవరకొండ, అక్టోబర్ 30:
దేవరకొండ పట్టణంలోని ఆఖ్సా మస్జిద్‌లో రేపు మదర్సా మిస్బ ఉల్ ఉలూమ్, ఈద్గా కమిటీ, జమియత్ ఉలేమా ఏ హింద్ ఆధ్వర్యంలో నిర్వహించనున్న 36వ జల్సా సీరతున్ నబీ సభకు పటిష్ట పోలీస్ బందోబస్తు కల్పించాలని ఈద్గా కమిటీ నాయకులు కోరారు.
ఈ మేరకు శుక్రవారం దేవరకొండ పట్టణ సీఐ పి. వెంకట్ రెడ్డిని కలిసి వినతిపత్రం అందజేశారు.
ఈ సభకు కర్ణాటక, ఆంధ్రప్రదేశ్, తెలంగాణ రాష్ట్రాల నుంచి పలువురు మత పెద్దలు, జమియత్ నాయకులు ముఖ్య అతిథులుగా హాజరుకానున్నట్లు కమిటీ సభ్యులు తెలిపారు. అదేవిధంగా దేవరకొండ నియోజకవర్గంతో పాటు పరిసర ప్రాంతాల నుంచి సుమారు 3 నుంచి 4 వేల మంది ప్రజలు పాల్గొనే అవకాశం ఉందని పేర్కొన్నారు.
భారీ సంఖ్యలో ప్రజలు హాజరుకానున్న నేపథ్యంలో ఎలాంటి అవాంఛనీయ సంఘటనలు చోటుచేసుకోకుండా, సభ ప్రశాంత వాతావరణంలో సజావుగా జరిగేలా తగిన పోలీస్ బందోబస్తు ఏర్పాటు చేయాలని సీఐని కోరారు.
ఈ కార్యక్రమంలో ఈద్గా కమిటీ ప్రధాన కార్యదర్శి యండి. ఇలియాస్ పటేల్, ఉపాధ్యక్షులు ఎం.ఏ. సాలర్ ఖదీర్, యండి. సలీమ్, ఖాజా మైనొద్దీన్, సయ్యద్ దస్తగిర్, ఎం.ఏ. ఖాలేఖ్, ఎస్.కే. ఇల్యాస్ బాబా తదితరులు పాల్గొన్నారు.
Ayush 24 News

Mahamood MohammedAY24-R-0008· 30 Oct 2026 · 13:31

📷 ఈ వార్తకు సంబంధించిన ఫోటోలు