మంథనిలో లస్మక్క దశదిన కర్మ కార్యక్రమం

పూలమాలలు వేసి శ్రద్ధాంజలి ఘటించిన పెద్దపల్లి జిల్లా పద్మశాలి ఉద్యోగ సంఘం నాయకులు

మంథని, నవంబర్ 5, 2026, AYUSH24 NEWS ప్రతినిధి:

తెలంగాణ పద్మశాలి ఉద్యోగ సంఘం పెద్దపల్లి జిల్లా ప్రచార కార్యదర్శి, పంచాయతీరాజ్ శాఖ సీనియర్ సహాయకులు పెండం సత్యనారాయణ మాతృమూర్తి శ్రీమతి లస్మక్క పెద్దకర్మ (దశదిన కర్మ) కార్యక్రమాన్ని గురువారం మంథని పట్టణంలోని పద్మశాలి వీధిలో గల వారి స్వగృహంలో నిర్వహించారు.

ఈ కార్యక్రమానికి తెలంగాణ పద్మశాలి ఉద్యోగ సంఘం పెద్దపల్లి జిల్లా నాయకులు పెద్ద సంఖ్యలో హాజరై లస్మక్క చిత్రపటానికి పూలమాలలు వేసి ఘనంగా శ్రద్ధాంజలి ఘటించారు.

లస్మక్క మృతి తీరని లోటు

ఈ సందర్భంగా సంఘం నాయకులు మాట్లాడుతూ సమాజానికి, పద్మశాలి ఉద్యోగ సంఘానికి పెండం సత్యనారాయణ అందిస్తున్న సేవలను గుర్తుచేసుకున్నారు. క్రమశిక్షణ, సేవాభావం కలిగిన కుమారుడిని తీర్చిదిద్దిన మాతృమూర్తి లస్మక్క మృతి కుటుంబ సభ్యులకు తీరని లోటని పేర్కొన్నారు.

నివాళులర్పించిన సంఘం నాయకులు

ఈ కార్యక్రమంలో పద్మశాలి ఉద్యోగ సంఘం పెద్దపల్లి జిల్లా అధ్యక్షులు కొలిపాక సారయ్య, ప్రధాన కార్యదర్శి పరికిపండ్ల కోటేశం, ఉపాధ్యక్షులు బండి శ్రీనివాస్, సంఘం ప్రాథమిక సభ్యులు సామల శ్రీనివాస్, తాటిపాముల కృష్ణ, దుస్స సంపత్, దాసరి శ్రీనివాస్, గడ్డం సంతోష్ పాల్గొన్నారు.

వీరితోపాటు జయశంకర్ భూపాలపల్లి పద్మశాలి నాయకులు గాదె రమేష్ తదితరులు హాజరై లస్మక్కకు నివాళులర్పించారు.

కుటుంబ సభ్యులకు పరామర్శ

అనంతరం సంఘం నాయకులు పెండం సత్యనారాయణతోపాటు ఆయన సోదరులు నరేందర్, శ్రీధర్, ఇతర కుటుంబ సభ్యులను పరామర్శించి ఓదార్చారు.

లస్మక్క పవిత్ర ఆత్మకు శాంతి చేకూరాలని ఆకాంక్షిస్తూ కుటుంబ సభ్యులకు ప్రగాఢ సానుభూతి తెలియజేశారు.

KAVETI SAMMAIAHAY24-R-0006· 05 Nov 2026 · 11:30