దేవరకొండ పట్టణంలోని 1వ వార్డులో జరుగుతున్న గణేష్ నవరాత్రి ఉత్సవాల్లో గురువారం ఓ ఆసక్తికర,శుభకరమైన సన్నివేశం చోటుచేసుకుంది.1వ వార్డు పరిధిలోని వినాయక మండపంలో కొలిచిన విఘ్నేశ్వరుడిని ‘పోలీస్ నిఘా’ దేవరకొండ రిపోర్టర్ పులిజాల గోవర్ధన్ దర్శించుకుని భక్తిశ్రద్ధలతో ప్రత్యేక పూజలు నిర్వహించారు.​అనంతరం స్వామివారి సన్నిధిలో కొబ్బరికాయ కొట్టగా,లోపల సంపూర్ణంగా వికసించిన కొబ్బరి పువ్వు ప్రత్యక్షమైంది.వినాయక నిమజ్జనం సందర్భంగా పూజా సమయంలో కొబ్బరికాయలో పువ్వు రావడం అత్యంత శుభసూచకమని,ఇది విఘ్నేశ్వరుడి సాక్షాత్కార అనుగ్రహమని స్థానిక భక్తులు ఆనందం వ్యక్తం చేశారు.​విషయం తెలుసుకున్న కాలనీవాసులు,భక్తులు పెద్ద సంఖ్యలో తరలివచ్చి కొబ్బరి పువ్వును దర్శించుకోవడంతో మండపం వద్ద ఆధ్యాత్మిక కోలాహలం నెలకొంది.గణనాథుడి కృపతో దేవరకొండ పట్టణ ప్రజలందరికీ అంతా మంచి జరగాలని, సర్వ విఘ్నాలు తొలగి సుఖశాంతులు చేకూరాలని పులిజాల గోవర్ధన్ ఆకాంక్షించారు. ఈ పూజా కార్యక్రమంలో వార్డు ప్రముఖులు, మండప నిర్వాహకులు, స్థానిక కాలనీ భక్తులు పాల్గొన్నారు.

Duvva Praveen KumarAY24-R-0003· 24 Sep 2026 · 15:03

📷 ఈ వార్తకు సంబంధించిన ఫోటోలు