పెద్దపల్లి, అక్టోబర్ 16 (ఆయుష్ 24 న్యూస్): జిల్లాలో రైతుల పంటలను కాపాడేందుకు ఎస్సారెస్పీ (శ్రీరాంసాగర్ ప్రాజెక్టు) నుంచి సాగునీటిని విడుదల చేయించినట్లు ప్రభుత్వ విప్‌ చింతకుంట విజయరమణ రావు తెలిపారు. పంటల చివరి దశలో అవసరమైన తడిని అందించి, రైతులు సాగు చేసిన పంటలను రక్షించడమే తమ లక్ష్యమని పేర్కొన్నారు.
రైతుల ప్రయోజనాలను దృష్టిలో ఉంచుకుని సాగునీటి విడుదల కోసం ప్రభుత్వంతో చర్చించి నీటిని విడుదల చేయించామని ఆయన వెల్లడించారు. పంటలు చేతికొచ్చే కీలక సమయంలో నీటి కొరత కారణంగా రైతులు ఇబ్బందులు పడకుండా చూడాలనే ఉద్దేశంతో ఈ చర్యలు చేపట్టినట్లు తెలిపారు.
రైతుల పంటలకు చివరి తడి అందించి, అన్నదాతలకు అండగా నిలవడమే లక్ష్యంగా ముందుకు సాగుతున్నామని ప్రభుత్వ విప్‌ చింతకుంట విజయరమణ రావు పేర్కొన్నారు.
— ఆయుష్ 24 న్యూస్

Mahamood MohammedAY24-R-0008· 16 Oct 2026 · 13:55