దేవరకొండ, అక్టోబర్ 29 (Ayush 24 News):
ఎల్‌నినో ప్రభావంతో వర్షాభావ పరిస్థితులు నెలకొనే అవకాశం ఉన్న నేపథ్యంలో దేవరకొండ నియోజకవర్గంలోని ఏ గ్రామంలోనూ తాగునీటి సమస్య తలెత్తకుండా ముందస్తు చర్యలు చేపట్టాలని ఎమ్మెల్యే నేనావత్ బాలు నాయక్ మిషన్ భగీరథ అధికారులను ఆదేశించారు.
గురువారం సంబంధిత అధికారులతో నిర్వహించిన సమీక్ష సమావేశంలో తాగునీటి సరఫరా పరిస్థితులపై ఆయన సమీక్షించారు. గ్రామాల్లో తాగునీటి సరఫరాను నిరంతరం పర్యవేక్షించాలని, నీటి సమస్యలు ఉన్న ప్రాంతాలను ముందుగానే గుర్తించి తక్షణమే పరిష్కార చర్యలు చేపట్టాలని సూచించారు.
వేసవి పరిస్థితులను దృష్టిలో ఉంచుకుని అధికారులు అప్రమత్తంగా వ్యవహరించాలని, ప్రజలకు ఎలాంటి ఇబ్బందులు కలగకుండా నిరంతర తాగునీటి సరఫరా అందేలా సమన్వయంతో పనిచేయాలని ఎమ్మెల్యే స్పష్టం చేశారు.
ప్రజలకు తాగునీటి ఇబ్బందులు కలగకుండా అన్ని శాఖల అధికారులు సమన్వయంతో పనిచేయాలని ఆయన సూచించారు.
Ayush 24 News
📷 ఈ వార్తకు సంబంధించిన ఫోటోలు
Leave a Reply