దేవరకొండ, అక్టోబర్ 27 (Ayush 24 News):
దేవరకొండ పట్టణంలో దేవరకొండ నియోజకవర్గ బీఆర్‌ఎస్ పార్టీ ముఖ్య నాయకుల సమావేశం నిర్వహించారు. రాబోయే గ్రాడ్యుయేట్ ఎమ్మెల్సీ ఎన్నికలకు సంబంధించి ఓటరు నమోదు ప్రక్రియపై సన్నాహక సమావేశం నిర్వహించారు.
ఈ సమావేశానికి ముఖ్య అతిథులుగా గౌరవ మాజీ మంత్రి, సూర్యాపేట శాసనసభ్యులు శ్రీ గుంటకండ్ల జగదీశ్వర్ రెడ్డి, దేవరకొండ మాజీ శాసనసభ్యులు శ్రీ రమావత్ రవీంద్ర కుమార్, రాష్ట్ర నాయకులు రాకేష్ రెడ్డి, చింతల వెంకటేశ్వర రెడ్డి తదితరులు హాజరయ్యారు.
ఈ సందర్భంగా నియోజకవర్గ పరిధిలో గ్రాడ్యుయేట్ ఎమ్మెల్సీ ఓటరు నమోదు కార్యక్రమానికి సంబంధించిన సన్నాహాలపై నాయకులు చర్చించారు. అర్హులైన పట్టభద్రులు ఓటరుగా నమోదు చేసుకునేలా పార్టీ శ్రేణులు కృషి చేయాల్సిన అంశాలపై సమావేశంలో సమాలోచనలు జరిపారు.
ఈ సమావేశానికి దేవరకొండ నియోజకవర్గంలోని మాజీ మండల పార్టీ అధ్యక్షులు, సర్పంచులు, కౌన్సిలర్లు, ఉప సర్పంచులు, మాజీ ఎంపీపీలు, మాజీ జడ్పీటీసీలు, మాజీ పీఏసీఎస్ చైర్మన్లు, గ్రామ పార్టీ అధ్యక్షులు, బీఆర్‌ఎస్ పార్టీ మాజీ ప్రజాప్రతినిధులు, ముఖ్య కార్యకర్తలు, నాయకులు పెద్ద సంఖ్యలో హాజరయ్యారు.
Ayush 24 News

Mahamood MohammedAY24-R-0008· 27 Oct 2026 · 12:03

📷 ఈ వార్తకు సంబంధించిన ఫోటోలు