కాటారం, అక్టోబర్ 15 (ఆయుష్ 24 న్యూస్): జయశంకర్ భూపాలపల్లి జిల్లా కాటారం మండలం ధన్వాడ గ్రామంలోని శ్రీ దత్తాత్రేయ స్వామి వారి ఆలయంలో దుర్గాదేవి నవరాత్రి ఉత్సవాలను పురస్కరించుకొని గురువారం నిర్వహించిన చండీ హోమం కార్యక్రమంలో టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు పాల్గొన్నారు.
ఈ సందర్భంగా దుర్గామాత మండపంలో అమ్మవారికి ప్రత్యేక పూజలు నిర్వహించి, రాష్ట్ర ప్రజలందరూ సుఖసంతోషాలతో, ఆయురారోగ్యాలతో, అష్టైశ్వర్యాలతో వర్ధిల్లాలని ప్రార్థించారు. తెలంగాణ రాష్ట్రంపై దుర్గామాత కరుణాకటాక్షాలు ఎల్లప్పుడూ ఉండాలని, రాష్ట్రం అన్ని రంగాల్లో అభివృద్ధి సాధించాలని ఆకాంక్షించారు.
రైతులు, కార్మికులు, యువత, మహిళలు సహా సమాజంలోని అన్ని వర్గాల ప్రజలు సుఖసంతోషాలతో జీవించాలని, ప్రతి కుటుంబంలో ఆనందం వెల్లివిరియాలని, ప్రజల జీవితాల్లో శాంతి, సౌభాగ్యాలు నిండాలని అమ్మవారిని వేడుకున్నారు.
అనంతరం ఆలయ వేద పండితులు దుద్దిళ్ల శ్రీను బాబుకు ఆశీర్వచనాలు అందజేశారు. ఈ సందర్భంగా ఆయన ప్రజలందరికీ ముందస్తుగా సద్దుల బతుకమ్మ, విజయదశమి (దసరా) పండుగ శుభాకాంక్షలు తెలియజేశారు.
– ఆయుష్ 24 న్యూస్

Mahamood MohammedAY24-R-0008· 15 Oct 2026 · 14:54