మంథని, అక్టోబర్ 16 (ఆయుష్ 24 న్యూస్): మంథని మున్సిపాలిటీ పరిధిలోని ఎస్వీ మార్ట్ ఎలక్ట్రానిక్స్ & సూపర్ మార్కెట్ యాజమాన్యం మున్సిపల్ శాఖ విధించిన రూ.50 వేల జరిమానాను చెల్లించడంతో పాటు, రూ.20 వేల రుసుము చెల్లించి వ్యాపార లైసెన్స్ పొందింది.
మున్సిపల్ నిబంధనల ప్రకారం వ్యాపార లైసెన్స్ లేకుండా దుకాణాన్ని నిర్వహించిన నేపథ్యంలో మున్సిపల్ శాఖ అధికారులు జరిమానా విధించారు. ఈ క్రమంలో షాపు యాజమాన్యం జరిమానా మొత్తాన్ని, లైసెన్స్ రుసుమును చెల్లించి వ్యాపార లైసెన్స్ పొందినట్లు అధికారులు తెలిపారు.
ఈ సందర్భంగా మంథని మున్సిపల్ కమిషనర్ మాట్లాడుతూ, మున్సిపాలిటీ పరిధిలో వ్యాపారాలు నిర్వహిస్తున్న ప్రతి వ్యాపారస్తుడు తప్పనిసరిగా మున్సిపల్ శాఖ నుంచి వ్యాపార లైసెన్స్ పొందాలని సూచించారు. లైసెన్స్ లేకుండా దుకాణాలు నిర్వహించే వారిపై క్షేత్రస్థాయిలో తనిఖీలు చేపట్టి, నిబంధనల ప్రకారం జరిమానాలు విధిస్తామని హెచ్చరించారు.
వ్యాపార లైసెన్స్ పొందడం మున్సిపల్ నిబంధనల్లో భాగమని, వ్యాపారస్తులు నిబంధనలను పాటిస్తూ తమ వ్యాపారాలను నిర్వహించాలని కమిషనర్ కోరారు. మున్సిపాలిటీ పరిధిలోని వ్యాపారులందరూ సకాలంలో లైసెన్సులు పొందాలని, అధికారుల తనిఖీలకు సహకరించాలని సూచించారు.
— ఆయుష్ 24 న్యూస్

Mahamood MohammedAY24-R-0008· 16 Oct 2026 · 13:55