దేవరకొండ, ఆయుష్ 24 న్యూస్: దేవరకొండ పట్టణంలో ఈ నెల 31న జల్సా సిరాతున్ నబీ కార్యక్రమాన్ని నిర్వహించనున్నట్లు కమిటీ అధ్యక్షుడు సయ్యద్ అజీముద్దీన్, ప్రధాన కార్యదర్శి ఇలియాస్ పటేల్ ఒక ప్రకటనలో తెలిపారు.
మదర్సా మిస్బా ఉలూమ్, జామియా ఉలేమా ఏ హింద్ ఆధ్వర్యంలో దేవరకొండలోని అక్కా మజీద్ (చిన్న దర్గా) ప్రాంగణంలో 36వ జల్సా సిరాతున్ నబీ సభను నిర్వహించనున్నట్లు వారు వెల్లడించారు. ఈ కార్యక్రమానికి సంబంధించి నిర్వాహకులు అవసరమైన ఏర్పాట్లు చేపడుతున్నారు.
ఈ సభలో పలువురు మతపెద్దలు, ముస్లిం మత ప్రముఖులు పాల్గొని ప్రసంగించనున్నారు. ప్రవక్త మహమ్మద్‌ జీవిత విశేషాలు, ఆయన బోధనలు, సందేశాల గురించి వివరించనున్నారు.
ఈ సందర్భంగా నిర్వాహకులు మాట్లాడుతూ, జల్సా సిరాతున్ నబీ కార్యక్రమంలో ముస్లిం సోదరులు, పట్టణ ప్రజలు పెద్ద సంఖ్యలో పాల్గొని సభను విజయవంతం చేయాలని కోరారు.
— ఆయుష్ 24 న్యూస్

Mahamood MohammedAY24-R-0008· 16 Oct 2026 · 16:43