ఆయుష్ 24 న్యూస్ ప్రతినిధి | నల్గొండ జిల్లా, అక్టోబర్ 11
నల్గొండ పట్టణంలోని ఇందిరా భవన్ క్యాంపు కార్యాలయంలో ఆదివారం ప్రజా దర్బార్ కార్యక్రమాన్ని నిర్వహించారు. ఈ కార్యక్రమంలో రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్ రెడ్డి ప్రజల నుంచి వినతిపత్రాలను స్వీకరించి, వారి సమస్యలను అడిగి తెలుసుకున్నారు.
జిల్లాలోని వివిధ ప్రాంతాల నుంచి పెద్ద సంఖ్యలో ప్రజలు ప్రజా దర్బార్‌కు తరలివచ్చి తమ సమస్యలను మంత్రి దృష్టికి తీసుకెళ్లారు. ప్రజల నుంచి స్వీకరించిన దరఖాస్తులను పరిశీలించి, సమస్యల పరిష్కారానికి తక్షణ చర్యలు తీసుకోవాలని సంబంధిత అధికారులను మంత్రి ఆదేశించారు.
ఈ సందర్భంగా మంత్రి మాట్లాడుతూ, ప్రజా సమస్యలను ఎప్పటికప్పుడు పరిష్కరించడమే ప్రభుత్వ ప్రధాన ధ్యేయమని అన్నారు. అర్హులైన ప్రతి ఒక్కరికీ న్యాయం జరిగేలా అధికారులు చిత్తశుద్ధితో పనిచేయాలని సూచించారు. ప్రజా సంక్షేమమే పరమావధిగా ప్రభుత్వం ముందుకు సాగుతోందని ఆయన పేర్కొన్నారు.
ప్రజల నుంచి వచ్చిన వినతులకు ప్రాధాన్యతనిస్తూ, సంబంధిత శాఖల అధికారులు సమన్వయంతో పనిచేసి సమస్యల పరిష్కారానికి కృషి చేయాలని మంత్రి సూచించారు.
— ఆయుష్ 24 న్యూస్ The Voice of Truth

Mahamood MohammedAY24-R-0008· 11 Oct 2026 · 12:02