నల్గొండ పట్టణంలోని ఆర్జాల బావి 17వ కార్పొరేషన్ పరిధిలోని ఇంద్రమ్మ కాలనీలో వినాయక చవితి వేడుకలు అత్యంత వైభవంగా ముగిశాయి. మైసమ్మ యూత్ ఆధ్వర్యంలో ఏర్పాటు చేసిన విగ్రహం వద్ద భక్తులు ప్రత్యేక పూజలు నిర్వహించారు.
​ఈ వేడుకల్లో భాగంగా నిర్వహించిన గణేశుని లడ్డు వేలం పాట స్థానికంగా ప్రత్యేక ఆకర్షణగా నిలిచింది. భక్తులు ఎంతో భక్తిశ్రద్ధలతో పాల్గొన్న ఈ లడ్డు వేలంపాటలో, పట్టణానికి చెందిన తులం సంతోష్ కుమార్ అత్యధికంగా రూ. 56,000 ధర పాడి లడ్డును సొంతం చేసుకున్నారు.
​స్వామివారి లడ్డు దక్కించుకోవడం ఎంతో అదృష్టంగా భావిస్తున్నట్లు సంతోష్ కుమార్ తెలిపారు. ఈ కార్యక్రమంలో శ్రీనివాస్ శర్మ, పూజారి సిరి ప్రగడ,గజం శివ,వి. కిరణ్ కుమార్,గజం నాగరాజు,వి.రమేష్,మేకల రవికుమార్,కాలనీ వాసులు, మైసమ్మ యూత్ సభ్యులు పెద్ద సంఖ్యలో పాల్గొని వేడుకలను విజయవంతం చేశారు.

Govardhan PulijalaAY24-R-0004· 26 Sep 2026 · 08:52