మంథని, అక్టోబర్ 15 (ఆయుష్ 24 న్యూస్):
మంథని మున్సిపాలిటీ పరిధిలో వ్యాపార లైసెన్స్ లేకుండా నిర్వహిస్తున్న SV Mart Electronics & Super Marketకు మున్సిపల్ శాఖ అధికారులు రూ.50 వేల జరిమానా విధించారు. తప్పనిసరిగా పొందాల్సిన వ్యాపార లైసెన్స్ లేకుండానే సదరు షాపును గత రెండేళ్లుగా నిర్వహిస్తున్నట్లు అధికారులు వెల్లడించారు.
వ్యాపార లైసెన్స్ పొందాలని మున్సిపల్ శాఖ అధికారులు పలుమార్లు నోటీసులు జారీ చేసినప్పటికీ, ఇప్పటివరకు లైసెన్స్ తీసుకోకపోవడంతో గురువారం రూ.50,000 జరిమానా విధించినట్లు తెలిపారు.
లైసెన్స్ తప్పనిసరిగా పొందాలి
ఈ సందర్భంగా మున్సిపల్ కమిషనర్ మాట్లాడుతూ.. మంథని మున్సిపాలిటీ పరిధిలో వ్యాపారాలు నిర్వహించే ప్రతి వ్యాపారస్తుడు మున్సిపల్ శాఖ నుంచి తప్పనిసరిగా వ్యాపార లైసెన్స్ పొందాలని స్పష్టం చేశారు. నిబంధనలకు అనుగుణంగా వ్యాపార కార్యకలాపాలు నిర్వహించాల్సిన బాధ్యత ప్రతి వ్యాపారిపై ఉందన్నారు.
మున్సిపాలిటీ పరిధిలోని వ్యాపార సంస్థలపై క్షేత్రస్థాయిలో తనిఖీలు నిర్వహిస్తామని, లైసెన్స్ లేకుండా వ్యాపారాలు నిర్వహిస్తున్నట్లు గుర్తిస్తే నిబంధనల ప్రకారం జరిమానాలు విధించడంతో పాటు తగిన చర్యలు తీసుకుంటామని హెచ్చరించారు.
నిబంధనలు పాటించాలి
మున్సిపాలిటీ పరిధిలోని వ్యాపారస్తులందరూ తమ వ్యాపారాలకు అవసరమైన లైసెన్సులను సకాలంలో పొందాలని కమిషనర్ సూచించారు. మున్సిపల్ నిబంధనలను పాటిస్తూ వ్యాపారాలు నిర్వహించాలని, నిబంధనల ఉల్లంఘనలకు పాల్పడితే చర్యలు తప్పవని స్పష్టం చేశారు.
— ఆయుష్ 24 న్యూస్ | ప్రజల పక్షం.. ప్రజా సమస్యలపై నిరంతర పోరాటం

Mahamood MohammedAY24-R-0008· 15 Oct 2026 · 14:54