క్రైస్తవ మైనారిటీలకు సంక్షేమ పథకాలు అందేలా సహకరించాలని విజ్ఞప్తి
పెద్దపల్లి/మంథని, సెప్టెంబర్ 22 (ప్రతినిధి):
నూతనంగా నియమితులైన పెద్దపల్లి జిల్లా మైనారిటీ సంక్షేమ అధికారి రవిని మంథని కన్స్టిట్యూయెన్సీ పాస్టర్స్ ఫెలోషిప్ (ఎంసీపీఎఫ్) కమిటీ సభ్యులు మంగళవారం మర్యాదపూర్వకంగా కలిసి ఘనంగా సత్కరించారు.
ఈ సందర్భంగా ఎంసీపీఎఫ్ అధ్యక్షుడు ఐ. డేవిడ్ మాట్లాడుతూ.. క్రైస్తవ మైనారిటీల కోసం ప్రభుత్వం అమలు చేస్తున్న వివిధ సంక్షేమ పథకాలను అర్హులైన ప్రతి ఒక్కరూ సద్వినియోగం చేసుకునేలా జిల్లా మైనారిటీ సంక్షేమ అధికారిగా తమవంతు సహకారం, ప్రోత్సాహం అందించాలని కోరారు. మైనారిటీ వర్గాల సమస్యలను పరిష్కరించేందుకు అధికారులు ప్రత్యేక చొరవ చూపాలని విజ్ఞప్తి చేశారు.
నూతనంగా బాధ్యతలు చేపట్టిన జిల్లా మైనారిటీ సంక్షేమ అధికారికి కమిటీ సభ్యులు శుభాకాంక్షలు తెలిపారు.
ఈ కార్యక్రమంలో ఎంసీపీఎఫ్ అధ్యక్షుడు ఐ. డేవిడ్, ఉపాధ్యక్షుడు జయరాజ్, కార్యదర్శి అశోక్ కర్నూరి, కో-సెక్రెటరీ జోషి, ఎగ్జిక్యూటివ్ సభ్యులు సుదర్శన్, నవీన్, బెంజిమెన్ తదితరులు పాల్గొన్నారు.
Leave a Reply