ఘటనపై సమగ్ర విచారణ జరిపి బాధ్యులపై చట్టప్రకారం చర్యలు తీసుకోవాలి: నల్ల ఆంజనేయులు మాదిగ

చింతపల్లి, అక్టోబర్ 03, 2026, AYUSH24 NEWS ప్రతినిధి:

నల్లగొండ జిల్లా చింతపల్లి మండలం పీ.కే. మల్లెపల్లి గ్రామంలో గ్రామ సభ సందర్భంగా దళిత మహిళ, వీఓఏ గనిపల్లి మాధవిపై దాడి జరిగిందని ఆరోపిస్తూ ఎమ్మార్పీఎస్ చింతపల్లి మండల నాయకులు చింతపల్లి పోలీస్ స్టేషన్ ఎదుట నిరసన చేపట్టారు. ఘటనపై సమగ్ర విచారణ జరిపి బాధ్యులపై ఎస్సీ, ఎస్టీ (అట్రాసిటీస్) చట్టంతో పాటు వర్తించే ఇతర చట్టాల కింద కేసులు నమోదు చేసి కఠిన చర్యలు తీసుకోవాలని డిమాండ్ చేశారు.

ఈ సందర్భంగా ఎమ్మార్పీఎస్ చింతపల్లి మండల అధ్యక్షుడు నల్ల ఆంజనేయులు మాదిగ మాట్లాడుతూ, గ్రామ సభ సందర్భంగా గనిపల్లి మాధవిని అసభ్య పదజాలంతో దూషిస్తూ దాడికి పాల్పడ్డారని ఆరోపించారు. ఘటనకు సంబంధించిన వీడియో వెలుగులోకి వచ్చిందని పేర్కొన్నారు. మహిళపై బహిరంగంగా దాడి చేయడం ఆందోళనకరమని, బాధితురాలికి న్యాయం జరిగేలా అధికారులు తక్షణమే స్పందించాలని కోరారు.

బాధిత మహిళకు రక్షణ కల్పించడంతో పాటు ఘటనపై సమగ్ర విచారణ జరిపి బాధ్యులపై చట్టప్రకారం చర్యలు తీసుకోవాలని డిమాండ్ చేశారు. ఎస్సీ, ఎస్టీ అట్రాసిటీ కేసుల్లో బాధితులకు చట్టపరమైన రక్షణ, న్యాయం అందేలా అధికారులు ప్రత్యేక దృష్టి సారించాలని కోరారు.

నల్లగొండ జిల్లాలో దళితులు, గిరిజనులపై జరుగుతున్న దాడులను అరికట్టేందుకు పోలీసు యంత్రాంగం మరింత సమర్థవంతంగా వ్యవహరించాలని నల్ల ఆంజనేయులు కోరారు. జిల్లా ఎస్పీ ఈ ఘటనను ప్రత్యేకంగా పర్యవేక్షించి బాధితురాలికి న్యాయం జరిగేలా చర్యలు తీసుకోవాలని డిమాండ్ చేశారు.

ఈ కార్యక్రమంలో ఎమ్మార్పీఎస్ రాష్ట్ర నాయకులు వింజమూరి కృష్ణ మాదిగ, వర్కాల సర్పంచ్ కృష్ణయ్య, మాజీ మండల అధ్యక్షుడు ఎర్ర వెంకటయ్య, జిల్లా కార్యదర్శి వెంకటరమణ, జిల్లా ఉపాధ్యక్షుడు సంధ్య యేసు, జిల్లా నాయకుడు వింజమూరి రవి, దళిత ఉద్యోగ సంఘం రాష్ట్ర ఉపాధ్యక్షుడు ఆరెకంటి యాదయ్య, వార్డు మెంబర్ సైదులు, ఆరెకంటి మురళి మాదిగ, గార్లపాటి వెంకటయ్య, ఏర్పుల డావలయ్య, ఎర్ర కిరణ్, ఎర్ర రాకేష్, ఏర్పుల జంగయ్య, పోలే లాలయ్య, వింజమూరి నరసింహ, కర్నాటి లక్ష్మయ్య, సురేష్, పోలే యాదయ్య తదితర ఎమ్మార్పీఎస్ నాయకులు పాల్గొన్నారు.

Mahamood MohammedAY24-R-0008· 04 Oct 2026 · 19:10