మహాసభను విజయవంతం చేయాలని చైర్మన్ చేరుపల్లి బాలరాజు పిలుపు

దేవరకొండ, సెప్టెంబర్ 25 (ప్రతినిధి): దేవరకొండ పట్టణంలోని చేనేత సహకార సంఘం మహాసభ ఈ నెల 26న ఉదయం 10 గంటలకు సంఘ భవనంలో నిర్వహించనున్నట్లు చేనేత సహకార సంఘం చైర్మన్ చేరుపల్లి బాలరాజు తెలిపారు.

ఈ సందర్భంగా ఆయన మాట్లాడుతూ, మహాసభలో వార్షిక బడ్జెట్‌తో పాటు పలు కీలక తీర్మానాలపై చర్చించనున్నట్లు వెల్లడించారు. సంఘ సభ్యులందరూ తప్పనిసరిగా హాజరై మహాసభను విజయవంతం చేయాలని కోరారు.

మహాసభకు ముఖ్య అతిథులుగా పద్మశాలి నిత్య అన్నదాన సత్రాల మార్గదర్శకులు చిలువేరు కాశీనాథ్, చేనేత సహకార సంఘం ఏడి పి. గోవిందయ్య, దేవరకొండ మున్సిపల్ చైర్‌పర్సన్ పున్న శైలజ, దేవరకొండ చేనేత సహకార సంఘం మాజీ అధ్యక్షుడు, పట్టణ మాజీ సర్పంచ్ పున్న వెంకటేశ్వర్లు హాజరుకానున్నట్లు బాలరాజు తెలిపారు.