నియామక పత్రం అందజేసిన ఎమ్మార్పీఎస్ నాయకులు

దేవరకొండ: సెప్టెంబర్ 29 (AYUSH24 News ప్రతినిధి)

దేవరకొండ నియోజకవర్గ ఎమ్మార్పీఎస్ ఉపాధ్యక్షుడిగా పొట్ట ప్రభు ఏకగ్రీవంగా ఎన్నికయ్యారు. దేవరకొండ పట్టణంలోని టీటీడీ కళ్యాణ మండపంలో నిర్వహించిన ఎమ్మార్పీఎస్ ముఖ్య కార్యకర్తల సమావేశంలో ఈ ఎన్నిక జరిగింది.

ఎమ్మార్పీఎస్ జాతీయ అధ్యక్షుడు మేడి పాపన్న, కేదాసు మోహన్ మాదిగ ఆదేశాల మేరకు పొట్ట ప్రభును నియోజకవర్గ ఉపాధ్యక్షుడిగా ఏకగ్రీవంగా ఎన్నుకున్నట్లు నాయకులు తెలిపారు. అనంతరం రాష్ట్ర నాయకుల ఆదేశాల మేరకు ఆయనకు నియామక పత్రాన్ని అందజేశారు.

ఈ సందర్భంగా పొట్ట ప్రభు మాట్లాడుతూ మాదిగలకు సంబంధించిన సమస్యల పరిష్కారానికి తనవంతుగా కృషి చేస్తానని తెలిపారు. మాదిగలను ఉద్దేశించి ఎవరైనా అనుచిత వ్యాఖ్యలు చేస్తే సహించేది లేదని పేర్కొన్నారు. సమాజానికి అన్ని విషయాల్లో అండగా నిలుస్తానని స్పష్టం చేశారు.

ఈ సమావేశంలో రాష్ట్ర కార్యవర్గ సభ్యులు రామంజి, సైదులు, జాతీయ వర్కింగ్ ప్రెసిడెంట్ తంబాలపల్లి వెంకటయ్య, ఆరెకంటి ఏసయ్య, జిల్లా అధ్యక్షుడు పోతెం సహదేవులు, నియోజకవర్గ అధ్యక్షుడు ఎర్రగిరి, పట్టణ నాయకుడు కొండపల్లి రమేష్, నియోజకవర్గ కార్యవర్గ సభ్యుడు అంకుర నాగరాజు, మండల అధ్యక్షుడు గిరి తదితరులు పాల్గొన్నారు.

అయుష్ 24 న్యూస్ — The Voice of Truth

Govardhan PulijalaAY24-R-0004· 29 Sep 2026 · 08:45