గుర్రం గుర్తుపై బరిలో గడిపెల్లి శ్రీనివాస్
మంథని, సెప్టెంబర్ 30, 2026, AYUSH24 NEWS ప్రతినిధి:
మంథనిలో మైత్రి ఆటో యూనియన్ ఎన్నికలు నేడు జరగనున్న నేపథ్యంలో ఆటో డ్రైవర్లలో ఉత్కంఠ నెలకొంది. యూనియన్ భవిష్యత్ కార్యాచరణ, ఆటో డ్రైవర్ల సమస్యల పరిష్కారం, ప్రభుత్వ పథకాల ప్రయోజనాలు తమకు అందేలా కృషి చేసే నాయకత్వంపై సభ్యుల్లో చర్చ జరుగుతోంది.
2020 నుంచి 2024 వరకు మైత్రి ఆటో యూనియన్ అధ్యక్షుడిగా పనిచేసిన గడిపెల్లి శ్రీనివాస్ ఈసారి గుర్రం గుర్తుపై పోటీ చేస్తున్నట్లు తెలిపారు. గత అనుభవంతో ఆటో డ్రైవర్ల సమస్యల పరిష్కారానికి కృషి చేస్తారని ఆయన అనుచరులు పేర్కొన్నారు.
ఈ సందర్భంగా యూనియన్ సభ్యులు ఏగోలపు సమ్మయ్య గౌడ్, తుంగల రాజు పటేల్ మాట్లాడుతూ గత పాలనలో తమ సమస్యలకు తగిన స్థాయిలో పరిష్కారం లభించలేదని ఆరోపించారు. ఆటో డ్రైవర్ల జీవనోపాధిపై ప్రభావం చూపుతున్న సమస్యలను యూనియన్ నాయకత్వం ప్రభుత్వం దృష్టికి తీసుకెళ్లాల్సిన అవసరం ఉందన్నారు.
మహాలక్ష్మి పథకం అమలుతో తమ ఆదాయంపై ప్రభావం పడుతోందని పలువురు ఆటో డ్రైవర్లు ఆందోళన వ్యక్తం చేస్తున్నట్లు వారు పేర్కొన్నారు. ఆటో డ్రైవర్ల జీవనోపాధి పరిరక్షణకు ప్రభుత్వం ప్రత్యేక చర్యలు తీసుకోవాలని కోరారు. సంక్షేమ పథకాలు, ఆర్థిక సహాయం, వృత్తిపరమైన భద్రత వంటి అంశాలపై యూనియన్ ప్రత్యేక దృష్టి సారించాలని అభిప్రాయపడ్డారు.
మైత్రి ఆటో యూనియన్ ఎన్నికలు కేవలం అధ్యక్షుడి ఎంపికకే పరిమితం కాకుండా, ఆటో డ్రైవర్ల సమస్యలను సమష్టిగా పరిష్కరించే దిశగా కొత్త కార్యవర్గం పనిచేయాలని సభ్యులు కోరుతున్నారు. ఎన్నికల అనంతరం డ్రైవర్ల ప్రధాన సమస్యలపై కార్యాచరణ రూపొందించి సంబంధిత ప్రభుత్వ శాఖల దృష్టికి తీసుకెళ్లాలని మైత్రి ఆటో యూనియన్ డ్రైవర్లు కోరారు.
Leave a Reply