మంథని, అక్టోబర్ 16 (ఆయుష్ 24 న్యూస్):
మంథని మున్సిపాలిటీ పరిధిలోని పలు వార్డుల్లో వీధి విద్యుత్ దీపాల పనితీరును మున్సిపల్ చైర్మన్ వొడ్నాల శ్రీనివాస్, మున్సిపల్ కమిషనర్ ఎన్. మనోహర్‌తో కలిసి గురువారం పరిశీలించారు. పట్టణంలోని వివిధ వార్డుల్లో వీధి దీపాలు సక్రమంగా వెలుగుతున్నాయా లేదా అని క్షేత్రస్థాయిలో తనిఖీ చేశారు.
ఈ సందర్భంగా చైర్మన్ వొడ్నాల శ్రీనివాస్ మాట్లాడుతూ, రాత్రి వేళల్లో ప్రజలకు ఎలాంటి ఇబ్బందులు కలగకుండా వీధి దీపాలు నిరంతరం పనిచేసేలా చర్యలు తీసుకోవాలని అధికారులకు సూచించారు. పనిచేయని విద్యుత్ దీపాలను గుర్తించి, వెంటనే అవసరమైన మరమ్మతులు చేపట్టాలని ఆదేశించారు. పట్టణంలోని అన్ని వార్డుల్లో వీధి దీపాలు సక్రమంగా వెలిగేలా ప్రత్యేక శ్రద్ధ వహించాలని తెలిపారు.
ప్రజలకు మెరుగైన మౌలిక సదుపాయాలు కల్పించడమే లక్ష్యంగా మున్సిపాలిటీ పనిచేస్తోందని, పట్టణంలో రాత్రి వేళల్లో ప్రజల రాకపోకలకు ఇబ్బందులు కలగకుండా, భద్రతకు ప్రాధాన్యతనిస్తూ వీధి దీపాల నిర్వహణపై నిరంతరం పర్యవేక్షణ ఉండాలని సూచించారు.
ఈ కార్యక్రమంలో పాలకవర్గ సభ్యులు ఎల్లేంకి వంశీధర్, నాయకులు జంభోజు సమ్మయ్య, మున్సిపల్ సిబ్బంది తదితరులు పాల్గొన్నారు.
— ఆయుష్ 24 న్యూస్

Mahamood MohammedAY24-R-0008· 16 Oct 2026 · 13:55