హైదరాబాద్‌: తెలంగాణ రాష్ట్ర ప్రభుత్వం, వెనుకబడిన తరగతుల సంక్షేమ శాఖ ఆధ్వర్యంలో హైదరాబాద్‌లోని రవీంద్రభారతిలో నిర్వహించిన శ్రీ మహర్షి వాల్మీకి జయంత్యోత్సవం – 2026 కార్యక్రమానికి వడ్డెర కార్పొరేషన్ చైర్‌పర్సన్ శ్రీమతి గుంజ రేణుక నారాయణ హాజరయ్యారు.
ఈ కార్యక్రమానికి తెలంగాణ ప్రభుత్వ సలహాదారు శ్రీ వి.హెచ్. హనుమంతరావు, బీసీ సంఘం నాయకుడు శ్రీ జాజుల శ్రీనివాస్ హాజరయ్యారు. బోయ కార్పొరేషన్ చైర్మన్ శ్రీ గట్టు తిమ్మప్ప అధ్యక్షతన, వైస్ చైర్మన్ శ్రీ నగేష్ ఆధ్వర్యంలో ఈ వేడుకలు నిర్వహించారు.
మహర్షి వాల్మీకి జీవితం ప్రతి ఒక్కరికీ ఆదర్శం
ఈ సందర్భంగా శ్రీమతి గుంజ రేణుక నారాయణ మాట్లాడుతూ, మహర్షి వాల్మీకి కేవలం ఆదికవి మాత్రమే కాదని, మానవ జీవితానికి మార్గదర్శకుడని పేర్కొన్నారు. ఆయన రచించిన రామాయణ మహాకావ్యం తరతరాలకు ధర్మం, సత్యం, త్యాగం, కర్తవ్యనిష్ఠ వంటి ఉన్నతమైన విలువలను బోధిస్తోందని తెలిపారు.
జీవితంలో ఎన్ని కష్టాలు ఎదురైనా సత్యమార్గాన్ని వీడకుండా, ధర్మబద్ధంగా ముందుకు సాగాలనే గొప్ప సందేశాన్ని మహర్షి వాల్మీకి జీవితం అందిస్తోందని అన్నారు.
మహర్షి వాల్మీకి ఆశయాలను స్ఫూర్తిగా తీసుకొని సమాజంలో విద్య, సమానత్వం, సామాజిక న్యాయం, మానవతా విలువలను పెంపొందించాలని ఆకాంక్షించారు. మహనీయుల చరిత్రను భావితరాలకు అందించడం ద్వారా సమాజంలో చైతన్యం, స్ఫూర్తి, ఐక్యత మరింత బలపడతాయని పేర్కొన్నారు.
జ్ఞానానికి ప్రతీక వాల్మీకి…
ధర్మానికి మార్గదర్శి వాల్మీకి…
సాహిత్యానికి ఆదికవి వాల్మీకి…
మానవత్వానికి చిరస్మరణీయ స్ఫూర్తి వాల్మీకి…
అని పేర్కొంటూ మహర్షి వాల్మీకి జయంతి సందర్భంగా ఆయనకు ఘన నివాళులు అర్పించారు.
🌺 మహర్షి వాల్మీకి జయంతి శుభాకాంక్షలు! 🌺
Ayush 24 News

Mahamood MohammedAY24-R-0008· 26 Oct 2026 · 18:58