దేవరకొండ పట్టణంలో ఈ నెల 31న నిర్వహించనున్న 36వ సీరత్‌-ఉన్‌-నబీ జల్సా (సామూహిక వివాహాలు) నేపథ్యంలో పారిశుధ్య పనులు చేపట్టాలని ఈద్గా, మక్కా మస్జిద్ కమిటీ సభ్యులు మున్సిపల్ కమిషనర్‌ను కోరారు. ఈ మేరకు మంగళవారం కమిషనర్‌కు వినతిపత్రం అందజేశారు.
పట్టణంలోని మస్జిద్‌-ఎ-అఖ్సా, మిస్బా ఉల్ మదర్సా, దర్గా-ఎ-హజ్రత్ సయ్యద్ సులేమాన్ షా వలి దర్గా వద్ద ఈ కార్యక్రమాన్ని నిర్వహించనున్నట్లు తెలిపారు. జల్సాకు ముస్లింలు అధిక సంఖ్యలో హాజరయ్యే అవకాశం ఉన్నందున, ఆయా ప్రాంతాల్లో పారిశుధ్య పనులు చేపట్టాలని విజ్ఞప్తి చేశారు.
మస్జిద్‌, మదర్సా పరిసర ప్రాంతాల్లో పేరుకుపోయిన చెత్తాచెదారాన్ని తొలగించడంతో పాటు, పార్కింగ్‌ ప్రాంతాల్లోనూ పారిశుధ్య పనులు నిర్వహించాలని కోరారు. కార్యక్రమానికి హాజరయ్యే ప్రజలకు ఎలాంటి అసౌకర్యం కలగకుండా మున్సిపల్ అధికారులు అవసరమైన చర్యలు తీసుకోవాలని కమిషనర్‌కు విజ్ఞప్తి చేశారు.
ఈ కార్యక్రమంలో హాఫిజ్ యండి హబీబొద్దీన్, యండి ఇలియాస్ పటేల్, యం.ఏ. ఖదీర్ సాలర్, మౌలానా అలీమోద్దీన్, యండి సలీమ్, ఖాజా మైనొద్దీన్, సయ్యద్ దస్తగిర్, ఎస్.కె. ఇల్యాస్ బాబా, యండి షకీల్, యండి బాబా తదితరులు పాల్గొన్నారు.
Ayush 24 News

Mahamood MohammedAY24-R-0008· 27 Oct 2026 · 12:03