ఆయుష్ 24 న్యూస్ | హైదరాబాద్, అక్టోబర్ 11:
హైదరాబాద్‌లోని హైటెక్ సిటీ సైబర్ గార్డెన్స్‌లో ఆదివారం హైదరాబాద్ జపాన్ ఫెస్టివల్–2026 కార్యక్రమం ఘనంగా ప్రారంభమైంది. హైదరాబాద్, జపాన్‌లోని మియోషి నగరాల మధ్య సిస్టర్ సిటీ భాగస్వామ్యం ఏర్పడి 20 సంవత్సరాలు పూర్తయిన సందర్భంగా ఈ వేడుకలను నిర్వహించారు.
ఈ సందర్భంగా కార్యక్రమ ప్రాంగణంలో ఏర్పాటు చేసిన వివిధ ప్రదర్శనలను రిబ్బన్ కట్ చేసి ప్రారంభించారు. అనంతరం జపాన్ సంస్కృతి, కళలు, సాంకేతికత, సంప్రదాయాలను ప్రతిబింబించే స్టాళ్లను సందర్శించి, అక్కడి విశేషాలను పరిశీలించారు. జపాన్ ప్రతినిధులతో ముచ్చటించి, వివిధ ప్రదర్శనలకు సంబంధించిన వివరాలను అడిగి తెలుసుకున్నారు.
ఈ కార్యక్రమంలో జపాన్ కాన్సుల్ జనరల్ శ్రీ మునియో తకాహాషి, మియోషి నగర డిప్యూటీ మేయర్ శ్రీ తెరువో యమజాకి, జపాన్‌కు చెందిన పలువురు ప్రముఖ ప్రతినిధులు, ప్రభుత్వ అధికారులు, నిర్వాహకులు తదితరులు పాల్గొన్నారు.
ఈ ఫెస్టివల్ ద్వారా భారత్–జపాన్ సాంస్కృతిక సంబంధాలు, పరస్పర సహకారం, సాంకేతిక పరిజ్ఞాన మార్పిడికి సంబంధించిన అంశాలు ప్రాధాన్యం సంతరించుకున్నాయి.
– ఆయుష్ 24 న్యూస్ The Voice of Truth

Mahamood MohammedAY24-R-0008· 11 Oct 2026 · 14:31