నేరేడుగొమ్ము అభివృద్ధికి ప్రత్యేక ప్రాధాన్యం

రూ.20 లక్షలతో సీసీ రోడ్డు, అండర్‌డ్రైనేజీల పనులకు శంకుస్థాపన

ఇందిరమ్మ ఇళ్ల గృహప్రవేశాల్లో పాల్గొన్న ఎమ్మెల్యే బాలు నాయక్

కాంగ్రెస్‌లో చేరిన బీఆర్‌ఎస్‌ నేతలు.. అభివృద్ధి, సంక్షేమానికి ఆకర్షితులై చేరుతున్నామని వెల్లడి

నేరేడుగొమ్ము: నేరేడుగొమ్ము మండలాన్ని అన్ని రంగాల్లో అభివృద్ధి చేసి ఆదర్శ మండలంగా తీర్చిదిద్దేందుకు కృషి చేస్తానని దేవరకొండ ఎమ్మెల్యే *శ్రీ నేనావత్ బాలు నాయక్* అన్నారు. గురువారం నేరేడుగొమ్ము మండల కేంద్రంలో పలు అభివృద్ధి, సంక్షేమ కార్యక్రమాల్లో ఆయన పాల్గొన్నారు.

మండల కేంద్రంలో *VBGRAMG నిధులు రూ.10 లక్షలతో సీసీ రోడ్డు, ఎస్సీ సబ్‌ప్లాన్ నిధులు రూ.10 లక్షలతో అండర్‌డ్రైనేజీ పనులకు* ఎమ్మెల్యే శంకుస్థాపన చేశారు. ప్రజలకు అవసరమైన మౌలిక వసతులను దశలవారీగా కల్పించేందుకు చర్యలు తీసుకుంటున్నామని తెలిపారు.

*ఇందిరమ్మ ఇళ్లతో పేదల సొంతింటి కల సాకారం*

అనంతరం నేరేడుగొమ్ము మండల కేంద్రంలో *గొర్ల ధనలక్ష్మి–ఆంజనేయులు, చిల్లా అనూష–ఆంజనేయులు, వరికుప్పల వెంకటమ్మ–కాశయ్య, వరికుప్పల మహేశ్వరి–వెంకన్న, హనుమంతు ఈదమ్మ–ఈదయ్య, నాగటి శారద–కృష్ణయ్య* కుటుంబాలకు నిర్మించిన ఇందిరమ్మ ఇళ్ల గృహప్రవేశ కార్యక్రమాల్లో ఎమ్మెల్యే పాల్గొన్నారు.
పేద కుటుంబాలకు సొంతింటి కలను సాకారం చేయడమే ఇందిరమ్మ ఇళ్ల లక్ష్యమని, అర్హులైన ప్రతి కుటుంబానికి సంక్షేమ పథకాలు అందేలా ప్రభుత్వం చర్యలు తీసుకుంటోందని ఎమ్మెల్యే అన్నారు. రాష్ట్ర ప్రభుత్వం ఇందిరమ్మ ఇళ్ల పథకానికి 2026–27 బడ్జెట్‌లో రూ.5,500 కోట్లు కేటాయించింది.
కొత్త గ్రామ శాఖ అధ్యక్షులకు సన్మానం
నేరేడుగొమ్ము మండల కేంద్రంలో నిర్వహించిన కాంగ్రెస్ పార్టీ సమావేశంలో నేరేడుగొమ్ము, పందిరిగుండుతండా, జోడుబావి తండా, చర్లతండా* గ్రామాలకు నూతనంగా ఎన్నికైన కాంగ్రెస్ గ్రామ శాఖ అధ్యక్షులు, కార్యవర్గ సభ్యులను ఎమ్మెల్యే బాలు నాయక్ అభినందించి సన్మానించారు.కాంగ్రెస్ పార్టీని గ్రామస్థాయి నుంచి మరింత బలోపేతం చేసేందుకు నూతనంగా ఎన్నికైన గ్రామ శాఖ అధ్యక్షులు, కార్యవర్గ సభ్యులు కృషి చేయాలని ఎమ్మెల్యే సూచించారు. దేవరకొండ నియోజకవర్గంలో కాంగ్రెస్ పార్టీ ఇప్పటికే బలంగా ఉందని, ప్రతి గ్రామంలో పార్టీని మరింత పటిష్టం చేయాలని* అన్నారు.
బీఆర్‌ఎస్‌ను వీడి కాంగ్రెస్‌లో చేరిక*l
ఈ సందర్భంగా నేరేడుగొమ్ము మండల కేంద్రానికి చెందిన Embroidery మాజీ వార్డు సభ్యుడు బొమ్మనోని లింగయ్య, బీఆర్‌ఎస్‌ సీనియర్ నాయకుడు బైకని సాలయ్య* బీఆర్‌ఎస్‌ను వీడి కాంగ్రెస్ పార్టీలో చేరారు. వారికి ఎమ్మెల్యే బాలు నాయక్ కాంగ్రెస్ కండువాలు కప్పి పార్టీలోకి ఆహ్వానించారు.

అభివృద్ధి, సంక్షేమంతో ఆకర్షితులై కాంగ్రెస్‌లో చేరుతున్నాం

కాంగ్రెస్‌లో చేరిన వారు మాట్లాడుతూ.. గత పదేళ్లుగా బీఆర్‌ఎస్‌లో ఉన్నప్పటికీ తమ ప్రాంతానికి ఆశించిన స్థాయిలో అభివృద్ధి, సంక్షేమ పథకాలు అందలేదని, పార్టీలో తమకు సరైన ప్రాధాన్యత కూడా లభించలేదని తెలిపారు. రేవంత్ రెడ్డి ప్రభుత్వం, ఎమ్మెల్యే బాలు నాయక్ ఆధ్వర్యంలో జరుగుతున్న అభివృద్ధి, సంక్షేమ కార్యక్రమాలకు ఆకర్షితులై కాంగ్రెస్ పార్టీలో చేరుతున్నామని పేర్కొన్నారు.
నేరేడుగొమ్ముకు భారీ మెజారిటీ.. అభివృద్ధిలో ముందుకు తీసుకెళ్తా
నేరేడుగొమ్ము చిన్న మండలమైనప్పటికీ కాంగ్రెస్ పార్టీకి *అత్యధిక మెజారిటీ అందించిన మండలాల్లో ఒకటిగా నిలిచిందని ఎమ్మెల్యే బాలు నాయక్ అన్నారు. ప్రజలు కాంగ్రెస్‌పై ఉంచిన నమ్మకాన్ని నిలబెట్టుకుంటూ *నేరేడుగొమ్ము మండలాన్ని, మండల కేంద్రాన్ని అభివృద్ధిలో ముందుకు తీసుకెళ్తానని హామీ ఇచ్చారు.
630 సర్వే నంబర్ రైతులకు న్యాయం చేస్తాం నేరేడుగొమ్ము గ్రామ పరిధిలోని *630 సర్వే నంబర్‌లో భూములు కలిగి ఉన్న రైతులు ఎదుర్కొంటున్న సమస్యలను ఎమ్మెల్యే ప్రస్తావించారు. ప్రభుత్వ నిబంధనలు, విధానాలకు అనుగుణంగా అర్హత కలిగిన నిజమైన రైతులకు పట్టాలు అందేలా కృషి చేస్తానని తెలిపారు.
అదేవిధంగా పెళ్లిపాకుల రిజర్వాయర్‌ కోసం భూములు కోల్పోయిన 630 సర్వే నంబర్ రైతులకు నష్టపరిహారం అందేలా కాంగ్రెస్ ప్రభుత్వం చర్యలు తీసుకుందని* ఎమ్మెల్యే తెలిపారు. రైతుల సమస్యలను పరిష్కరించడంలో ప్రభుత్వం చిత్తశుద్ధితో పనిచేస్తోందన్నారు.
ప్రజల నమ్మకాన్ని నిలబెట్టుకుంటాం
నేరేడుగొమ్ము మండలంలోని ప్రతి గ్రామం, తండాకు అభివృద్ధి ఫలాలు అందేలా కృషి చేస్తానని ఎమ్మెల్యే బాలు నాయక్ అన్నారు. రోడ్లు, డ్రైనేజీ, ఇళ్లు, విద్య, మౌలిక వసతులతో పాటు అర్హులైన ప్రతి ఒక్కరికీ సంక్షేమ పథకాలు అందేలా అధికారులు, ప్రజాప్రతినిధులు సమన్వయంతో పనిచేయాలని సూచించారు.మండల అధికారులతో సమీక్ష
అనంతరం నేరేడుగొమ్ము మండల ప్రజా పరిషత్తు కార్యాలయంలో మండల అధికారులతో ఎమ్మెల్యే బాలు నాయక్ సమీక్ష సమావేశం నిర్వహించారు.మండలానికి సంబంధించిన అభివృద్ధి పనులు, ప్రజా సమస్యలు, ప్రభుత్వ పథకాల అమలుపై అధికారులతో చర్చించారు. వివిధ పనుల కోసం కార్యాలయాలకు వచ్చే ప్రజలకు ఎలాంటి ఇబ్బందులు తలెత్తకుండా, వారి సమస్యలను సత్వరమే పరిష్కరించేలా అధికారులు చర్యలు తీసుకోవాలని Childhood. ప్రజలకు ప్రభుత్వ సేవలు సులభంగా, పారదర్శకంగా అందేలా అధికారులు బాధ్యతతో పనిచేయాలని ఎమ్మెల్యే ఆదేశించారు.

ఈ కార్యక్రమంలో సంబంధిత అధికారులతో పాటు జిల్లా కాంగ్రెస్ పార్టీ ఉపాధ్యక్షుడు ముక్కమల్ల వెంకటయ్య గౌడ్, మండల అధ్యక్షుడు వాంకునావత్ బిక్కు నాయక్, జిల్లా కార్యదర్శి లోకసాని కృష్ణయ్య, గ్రామ సర్పంచ్ పులికంటి సుధాకర్, కోతి యుగంధర్ రెడ్డి, వాంకునావత్ పాపా నాయక్, గిరి యాదయ్య గౌడ్, గడ్డం వెంకటయ్య, కొప్పుల సురేందర్ రెడ్డి, ఎలిజర్ల శ్రీను, నీలం ఆంజనేయులు, మండలంలోని అన్ని గ్రామాల సర్పంచులు, ఉపసర్పంచులు, వార్డు మెంబర్లు, కాంగ్రెస్ పార్టీ ముఖ్య నాయకులు, యువజన కాంగ్రెస్ నాయకులు, కార్యకర్తలు, యువకులు, గ్రామస్థులు తదితరులు పాల్గొన్నారు.

Duvva Praveen KumarAY24-R-0003· 01 Oct 2026 · 15:30

📷 ఈ వార్తకు సంబంధించిన ఫోటోలు