దేవరకొండ పట్టణంలోని ఏరియా ఆసుపత్రిలో బతుకమ్మ సంబరాలను ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకుని ఆసుపత్రి ప్రాంగణంలో వేడుకలను ఉత్సాహంగా జరుపుకున్నారు.
ఈ కార్యక్రమంలో ఆసుపత్రి వైద్యులు, మహిళా వైద్య సిబ్బంది, ఇతర మహిళా ఉద్యోగులు పాల్గొని బతుకమ్మ వేడుకల్లో సందడి చేశారు. సంప్రదాయబద్ధంగా నిర్వహించిన ఈ సంబరాలతో ఆసుపత్రి ప్రాంగణంలో పండుగ వాతావరణం నెలకొంది.
తెలంగాణ ఆడపడుచులు ఎంతో భక్తిశ్రద్ధలతో జరుపుకునే బతుకమ్మ పండుగను ఆసుపత్రి సిబ్బంది సమష్టిగా నిర్వహించడం విశేషంగా నిలిచింది. Ayush 24 News

Mahamood MohammedAY24-R-0008· 16 Oct 2026 · 03:00