న్యూఢిల్లీ: యువత ఓటు హక్కుల పరిరక్షణ కోసం ఢిల్లీలోని జంతర్ మంతర్ వద్ద ప్రతిపక్ష పార్టీలు చేపట్టిన నిరసనకు పెద్దపల్లి ఎంపీ గడ్డం వంశీకృష్ణ మద్దతు తెలిపారు. రాజ్యాంగంలోని ఆర్టికల్స్ 19, 21, 22 కల్పించిన హక్కుల నేపథ్యంలో శాంతియుతంగా నిరసన తెలియజేయడం ప్రతి పౌరుడి హక్కు అని ఆయన పేర్కొన్నారు.
ఈ సందర్భంగా విద్యార్థులు, యువతపై పోలీసుల చర్యలను ఎంపీ వంశీకృష్ణ తీవ్రంగా విమర్శించారు. దాదాపు 40 వేల మంది పోలీసులతో యువతను అణచివేసేందుకు ప్రయత్నించడం దారుణమని వ్యాఖ్యానించారు. తొలిసారి ఓటు హక్కు పొందిన యువ ఓటర్ల పేర్లను ఓటరు జాబితా నుంచి తొలగిస్తున్నారన్న ఆరోపణలపై ఆందోళన వ్యక్తం చేశారు. ఈ వ్యవహారంపై బాధ్యత వహిస్తూ కేంద్ర ఎన్నికల ప్రధాన కమిషనర్ (సీఈసీ) జ్ఞానేష్ కుమార్ రాజీనామా చేయాలని డిమాండ్ చేశారు.
“రాహుల్ గాంధీ నాయకత్వంలో యువత హక్కుల కోసం, ప్రజాస్వామ్య పరిరక్షణ కోసం నిరంతరం పోరాడతాం” అని ఎంపీ గడ్డం వంశీకృష్ణ స్పష్టం చేశారు.
— ఆయుష్ 24 న్యూస్
The Voice of Truth

Mahamood MohammedAY24-R-0008· 12 Oct 2026 · 15:01