పాలపట్టి తండాలో ఘనంగా తుల్జా భవానీ అమ్మవారి విగ్రహ ప్రతిష్ఠ మహోత్సవం

అమ్మవారికి ప్రత్యేక పూజలు నిర్వహించిన బీఆర్ఎస్ రాష్ట్ర నాయకుడు కేతావత్ బీల్యా నాయక్

ఆధ్యాత్మిక చింతనతో మానసిక ప్రశాంతత లభిస్తుందని వెల్లడి

పీఏ పల్లి, నవంబర్ 6, 2026, AYUSH24 NEWS ప్రతినిధి:

తుల్జా భవానీ అమ్మవారి అనుగ్రహం ప్రజలందరిపై ఉండాలని, ప్రతి ఒక్కరూ ఆయురారోగ్యాలతో, సుఖసంతోషాలతో జీవించాలని బీఆర్ఎస్ పార్టీ రాష్ట్ర నాయకుడు కేతావత్ బీల్యా నాయక్ ఆకాంక్షించారు.

గురువారం పీఏ పల్లి మండల పరిధిలోని పాలపట్టి తండాలో నిర్వహించిన శ్రీశ్రీశ్రీ తుల్జా భవానీ అమ్మవారి విగ్రహ ప్రతిష్ఠ మహోత్సవంలో ఆయన పాల్గొన్నారు. ఈ సందర్భంగా అమ్మవారిని దర్శించుకుని ప్రత్యేక పూజలు నిర్వహించారు.

ఆధ్యాత్మిక చింతనతో మానసిక ప్రశాంతత

ఈ సందర్భంగా కేతావత్ బీల్యా నాయక్ మాట్లాడుతూ ప్రతి ఒక్కరూ ఆధ్యాత్మిక చింతనను అలవర్చుకోవాలని సూచించారు. దైవచింతనతో మానసిక ప్రశాంతత లభిస్తుందని, ఆధ్యాత్మికత మనిషిలో మంచి ఆలోచనలు, సానుకూల దృక్పథాన్ని పెంపొందిస్తుందని పేర్కొన్నారు.

ఆధ్యాత్మిక కార్యక్రమాలు ప్రజల్లో భక్తిభావాన్ని పెంపొందించడంతోపాటు పరస్పర సఖ్యతకు దోహదపడతాయని అభిప్రాయపడ్డారు.

ప్రజలందరూ సుఖసంతోషాలతో జీవించాలి

తుల్జా భవానీ అమ్మవారి ఆశీస్సులతో ప్రజలందరూ ఆరోగ్యంగా, ఆనందంగా జీవించాలని ఆకాంక్షించారు. పాలపట్టి తండాలో అమ్మవారి విగ్రహ ప్రతిష్ఠ మహోత్సవం నిర్వహించడం సంతోషకరమని తెలిపారు.

ఈ కార్యక్రమంలో హరి నాయక్, రమావత్ రాజ, భీద్య, రవి, సికిందర్, జగన్, మంగ్య నాయక్, భగవాన్, రాజు, లోకేష్, శివ తదితరులు పాల్గొన్నారు.

Musini.AnjanAY24-R-0011· 06 Nov 2026 · 07:14