• వరంగల్-ఖమ్మం-నల్లగొండ పట్టభద్రుల ఎమ్మెల్సీ ఓటు నమోదుపై పిలుపు

• ఉద్యోగులు నిరుద్యోగ యువత డిగ్రీ పూర్తి చేసి మూడు సంవత్సరాలు గడిచిన వారందరూ ఓటు నమోదు చేసుకోవాలి

• పట్టభద్రుల ఓటు హక్కు చాలా విలువైనది శాసనమండలిలో విద్యావంతుల గొంతు వినిపించేందుకు

దేవరకొండ,28అక్టోబర్ ( ఆయుష్షు 24 న్యూస్ ప్రతినిధి ):
వరంగల్ ఖమ్మం నల్లగొండ పట్టభద్రుల ఎమ్మెల్సీ ఓటును పట్టభద్రులందరూ నవంబర్ 6 తేదీ లోపల ఓటును నమోదు చేసుకోవాలని
కాంగ్రెస్ పార్టీ ఎస్సీ డిపార్ట్మెంట్ రాష్ట్ర జనరల్ సెక్రెటరీ డా. యేకుల రాజారావు ఒక ప్రకటనలో పిలుపునిచ్చారు.
డిగ్రీ పూర్తి చేసి మూడు సంవత్సరాలు గడిచిన ప్రతి ఒక్కరూ తప్పనిసరిగా పట్టభద్రుల ఎమ్మెల్సీ ఓటుగా నమోదు చేసుకోవాలని ఆయన కోరారు. ముఖ్యంగా వరంగల్-ఖమ్మం-నల్లగొండ పట్టభద్రుల నియోజకవర్గం పరిధిలోని పట్టభద్రులు, ఉద్యోగులు, నిరుద్యోగ యువత, ఉపాధ్యాయులు అందరూ ఈ అవకాశాన్ని సద్వినియోగం చేసుకోవాలన్నారు.
పట్టభద్రుల ఓటు హక్కు చాలా విలువైనదని, విద్యావంతుల గొంతుకను శాసన మండలిలో వినిపించేందుకు ఇదే సరైన వేదిక అని తెలిపారు. ప్రజాస్వామ్యాన్ని బలోపేతం చేయడానికి, సరైన నాయకుడిని ఎన్నుకోవడానికి ప్రతి ఒక్క పట్టభద్రుడు తన ఓటును నమోదు చేసుకోవాలని విజ్ఞప్తి చేశారు.
ఓటు నమోదుకు కావలసిన పత్రాలు:
1. డిగ్రీ సర్టిఫికెట్ జిరాక్స్
2. ఆధార్ కార్డ్ జిరాక్స్
3. ఓటర్ ఐడీ జిరాక్స్
4. పాస్ పోర్ట్ సైజు ఫోటో
5. ఫోన్ నెంబర్
కావున అర్హులైన పట్టభద్రులందరూ త్వరగా నమోదు చేసుకోవాలని ఆయన ప్రకటనలో పిలుపునిచ్చారు.

Govardhan PulijalaAY24-R-0004· 29 Oct 2026 · 00:31