ఎస్‌ఐఆర్ నోటీసులు అందుకున్నవారు సకాలంలో పత్రాలు సమర్పించాలి
నోటీసుల్లో పేర్కొన్న వివరాలకు అనుగుణంగా సమాధానం ఇవ్వాలి: 11వ వార్డు కౌన్సిలర్ ఎస్‌కే నవీద్
దేవరకొండ, సెప్టెంబర్ 3 (అయుష్ 24 న్యూస్): దేవరకొండ పట్టణంలోని 11వ వార్డు ప్రజలకు ఎస్‌ఐఆర్ (SIR) ప్రక్రియకు సంబంధించి అందుతున్న నోటీసులపై 11వ వార్డు కౌన్సిలర్ ఎస్‌కే నవీద్ అవగాహన కల్పించారు.
ఎస్‌ఐఆర్‌కు సంబంధించి నోటీసులు అందుకున్న ప్రతి ఒక్కరూ వాటిలో పేర్కొన్న వివరాలను పూర్తిగా పరిశీలించాలని ఆయన సూచించారు. నోటీసుల్లో అడిగిన ప్రశ్నలకు తగిన సమాధానాలు ఇవ్వడంతో పాటు, అవసరమైన ధ్రువపత్రాలు, ఇతర పత్రాలను నిర్ణీత సమయంలో సంబంధిత అధికారులకు సమర్పించాలని కోరారు.
ఈ సందర్భంగా ఎస్‌ఐఆర్ నోటీసులపై నిర్వహించిన వివరణ కార్యక్రమంలో పలువురు తమకు అందిన నోటీసులకు సంబంధించిన వివరాలను తెలుసుకుని, అవసరమైన పత్రాలను సమర్పించినట్లు తెలిపారు.
ఇంకా నోటీసులు అందుకుని స్పందించని వారు నోటీసుల్లో పేర్కొన్న అంశాలను పూర్తిగా పరిశీలించి, అవసరమైన పత్రాలను సంబంధిత ఏఆర్‌ఓ, బీఎల్‌ఓ, ఎన్నికల అధికారులకు నిర్ణీత సమయంలో అందజేయాలని ఎస్‌కే నవీద్ విజ్ఞప్తి చేశారు.
“11వ వార్డు కౌన్సిలర్‌గా ప్రజలకు సరైన సమాచారం అందించడం, ఎస్‌ఐఆర్ ప్రక్రియపై అవగాహన కల్పించడం నా బాధ్యతగా భావిస్తున్నాను. నోటీసులు అందుకున్న ఎవరూ నిర్లక్ష్యం చేయకుండా, సంబంధిత పత్రాలను సకాలంలో సమర్పించి తమ ప్రక్రియను పూర్తిచేసుకోవాలి” అని ఎస్‌కే నవీద్ కోరారు.
Leave a Reply