కొట్టాలగడ్డ తండాలో భారీ చేరికలు.. ఎమ్మెల్యే బాలు నాయక్ సమక్షంలో కాంగ్రెస్ కండువాలు

పీఏ పల్లి, సెప్టెంబర్ 3, అయుష్ 24 న్యూస్:
పీఏ పల్లి మండలం అజ్మాపురం గ్రామ పరిధిలోని కొట్టాలగడ్డ తండాలో బీఆర్‌ఎస్‌కు చెందిన పలు కుటుంబాలు కాంగ్రెస్ పార్టీలో చేరాయి. దేవరకొండ ఎమ్మెల్యే శ్రీ నేనావత్ బాలు నాయక్ సమక్షంలో వారు కాంగ్రెస్ పార్టీ కండువాలు కప్పుకుని పార్టీలో చేరారు.

మండల కాంగ్రెస్ పార్టీ అధ్యక్షుడు నెర్మటి సతీష్ రెడ్డి ఆధ్వర్యంలో ఈ చేరికల కార్యక్రమం నిర్వహించారు. పలు కుటుంబాలు కాంగ్రెస్‌లో చేరడంతో కొట్టాలగడ్డ తండాలో స్థానికంగా రాజకీయంగా చర్చనీయాంశమైంది.

ఈ సందర్భంగా కాంగ్రెస్‌లో చేరిన వారు మాట్లాడుతూ.. బీఆర్‌ఎస్‌లో ఉన్న సమయంలో తమకు తగిన ప్రాధాన్యత లభించలేదని, తమ సమస్యలను పట్టించుకునే నాయకత్వం లేకపోవడంతో నిరాశకు గురయ్యామని తెలిపారు. ముఖ్యమంత్రి శ్రీ రేవంత్ రెడ్డి నేతృత్వంలోని ప్రజా ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలకు ఆకర్షితులై కాంగ్రెస్ పార్టీలో చేరుతున్నట్లు పేర్కొన్నారు.

గ్రామీణ ప్రాంతాల అభివృద్ధి, సంక్షేమ పథకాల అమలుతో ప్రజలకు ప్రయోజనం కలుగుతోందని వారు తెలిపారు. కొట్టాలగడ్డ తండాలో కాంగ్రెస్ పార్టీని గ్రామస్థాయి నుంచి మరింత బలోపేతం చేయడంతో పాటు గ్రామాభివృద్ధికి తమ వంతు కృషి చేయాలనే ఉద్దేశంతో పార్టీలో చేరినట్లు వెల్లడించారు.

ప్రజా ప్రభుత్వ పథకాలను ప్రజల్లోకి తీసుకెళ్లాలి: ఎమ్మెల్యే బాలు నాయక్

ఈ సందర్భంగా ఎమ్మెల్యే నేనావత్ బాలు నాయక్ కాంగ్రెస్ పార్టీలో చేరిన ప్రతి ఒక్కరికీ స్వాగతం పలికారు. కొత్తగా పార్టీలో చేరిన నాయకులు, కార్యకర్తలు ఐక్యంగా పనిచేసి కొట్టాలగడ్డ తండాలో కాంగ్రెస్ పార్టీని మరింత పటిష్టం చేయాలని సూచించారు.

ముఖ్యమంత్రి రేవంత్ రెడ్డి నేతృత్వంలోని ప్రజా ప్రభుత్వం చేపడుతున్న అభివృద్ధి, సంక్షేమ కార్యక్రమాలను ప్రజల్లోకి విస్తృతంగా తీసుకెళ్లాలని ఎమ్మెల్యే పిలుపునిచ్చారు. ప్రభుత్వ పథకాల ద్వారా ప్రజలకు అందుతున్న ప్రయోజనాలను వివరించి, అర్హులైన ప్రతి ఒక్కరికీ సంక్షేమ ఫలాలు అందేలా నాయకులు, కార్యకర్తలు కృషి చేయాలని సూచించారు.

అందరూ ఐక్యతతో, సమన్వయంతో పనిచేసినప్పుడే పార్టీ గ్రామస్థాయిలో మరింత బలోపేతమవుతుందని అన్నారు. ప్రజల సమస్యలను తన దృష్టికి తీసుకురావాలని, గ్రామాభివృద్ధికి అవసరమైన చర్యలు చేపట్టేందుకు తాను అందుబాటులో ఉంటానని ఎమ్మెల్యే బాలు నాయక్ తెలిపారు.

కాంగ్రెస్‌లో చేరిన పలు కుటుంబాల ప్రతినిధులు

జాటావత్ మోహన్, కత్తుల రవీందర్, కత్తుల అరుణ, జటావత్ రేణుక, జటావత్ శ్రీరామ్, జటావత్ లలిత, జటావత్ బాబురావు, జటావత్ చిట్టి, జటావత్ రాము, జటావత్ సింధు, జటావత్ జై రామ్, జటావత్ రోజా తదితరులు ఎమ్మెల్యే బాలు నాయక్ సమక్షంలో కాంగ్రెస్ పార్టీలో చేరారు.

ఈ కార్యక్రమంలో చందంపేట మండల అధ్యక్షుడు దొండేటి మల్లారెడ్డి, నేరేడుగొమ్ము మండల అధ్యక్షుడు బిక్కు నాయక్, కాంగ్రెస్ పార్టీ సీనియర్ నాయకులు సన్నాయిల ఉమామహేశ్వర్, శివర్ల శ్రీనయ్య, సుక్కు నాయక్, గోవర్ధన్ తదితరులు పాల్గొన్నారు.

— అయుష్ 24 న్యూస్
The Voice of Truth

Mahamood Mohammed· 03 Sep 2026 · 08:31

📷 ఈ వార్తకు సంబంధించిన ఫోటోలు