జూబ్లీహిల్స్‌లో తైక్వాండో మాస్టర్స్‌తో ప్రెస్‌మీట్.. భారీగా క్రీడాకారులు పాల్గొనాలని పిలుపు

హైదరాబాద్, ఆగస్టు 16: భారతదేశంలో తొలిసారిగా నిర్వహిస్తున్న ప్రతిష్ఠాత్మక 1st World Open Taekwondo Championship – 2026కు ఘనంగా ఏర్పాట్లు జరుగుతున్నాయి. ఈ నేపథ్యంలో హైదరాబాద్ జూబ్లీహిల్స్‌లో తైక్వాండో మాస్టర్స్, అకాడమీ కోచ్‌లు, నిర్వాహకులతో ప్రత్యేక ప్రెస్‌మీట్ నిర్వహించి ఛాంపియన్‌షిప్‌కు సంబంధించిన వివరాలను వెల్లడించారు.

ఆగస్టు 21, 22, 23 తేదీలలో హైదరాబాద్ గచ్చిబౌలిలోని జీఎంసీ బాలయోగి ఇండోర్ స్టేడియంలో ఈ మెగా ఛాంపియన్‌షిప్ నిర్వహించనున్నట్లు నిర్వాహకులు తెలిపారు. దేశ, విదేశాలకు చెందిన క్రీడాకారులు పాల్గొనే ఈ అంతర్జాతీయ స్థాయి పోటీల్లో తెలంగాణ, ఆంధ్రప్రదేశ్‌తో పాటు దేశంలోని వివిధ రాష్ట్రాల నుంచి పెద్ద సంఖ్యలో క్రీడాకారులు పాల్గొని ఛాంపియన్‌షిప్‌ను విజయవంతం చేయాలని తైక్వాండో మాస్టర్స్ పిలుపునిచ్చారు.

వివిధ విభాగాల్లో పోటీలు

JR International Taekwondo Academy & Amical Sports Academy ఆధ్వర్యంలో నిర్వహిస్తున్న ఈ ఛాంపియన్‌షిప్‌లో Peewee, Sub-Junior, Junior, Senior, Super Senior విభాగాల్లో పోటీలు నిర్వహించనున్నారు.

ప్రధాన ఈవెంట్లు:

• Kyorugi
• Poomsae
• Team Poomsae
• Group Poomsae
• Speed Kicks
• Speed Punches
• 3 Minutes Air Punching
• 3 Minutes Air Kicking

క్రీడాకారుల ప్రతిభను ప్రోత్సహించడంతో పాటు అంతర్జాతీయ స్థాయి పోటీ అనుభవాన్ని అందించడమే ఛాంపియన్‌షిప్ ప్రధాన ఉద్దేశ్యమని గ్రాండ్ మాస్టర్ జయంత్ రెడ్డి, అమికల్ స్పోర్ట్స్ ఫెడరేషన్ వ్యవస్థాపకురాలు వీణ వాహిని, ఆర్గనైజింగ్ మేనేజర్ రాజు రాథోడ్ తెలిపారు.

రిజిస్ట్రేషన్లు ప్రారంభం

ఛాంపియన్‌షిప్‌కు సంబంధించిన రిజిస్ట్రేషన్లు ఇప్పటికే ప్రారంభమయ్యాయని నిర్వాహకులు తెలిపారు. ఆసక్తి ఉన్న తైక్వాండో క్రీడాకారులు తమ మాస్టర్స్, కోచ్‌ల ద్వారా లేదా నేరుగా ఆర్గనైజింగ్ మేనేజర్‌ను సంప్రదించి రిజిస్ట్రేషన్ చేసుకోవాలని సూచించారు.

మరిన్ని వివరాలు & రిజిస్ట్రేషన్ కోసం:
Raju Rathod – Organising Manager
📞 8099444141
📞 9550301223

సర్టిఫికెట్ల అధికారిక గుర్తింపు కోసం చర్యలు

ఛాంపియన్‌షిప్‌లో పాల్గొనే క్రీడాకారులకు అందించే సర్టిఫికెట్లు భవిష్యత్తులో స్పోర్ట్స్ కోటా, రాష్ట్ర మరియు కేంద్ర ప్రభుత్వ ఉద్యోగాల కోసం ఉపయోగపడే విధంగా అధికారిక గుర్తింపు పొందేందుకు చర్యలు తీసుకుంటామని గ్రాండ్ మాస్టర్ జయంత్ రెడ్డి తెలిపారు.

ఈ అంశంపై తెలంగాణ రాష్ట్ర ప్రభుత్వం, రాష్ట్ర క్రీడల మంత్రి, ముఖ్యమంత్రి శ్రీ ఎ. రేవంత్ రెడ్డి గారు, తెలంగాణ ఒలింపిక్ కమిటీతో చర్చించి క్రీడాకారులకు ఈ అంతర్జాతీయ ఛాంపియన్‌షిప్ ద్వారా మరిన్ని ప్రయోజనాలు కల్పించే దిశగా కృషి చేస్తామని తెలిపారు.

20కి పైగా దేశాలు, 20కి పైగా రాష్ట్రాల నుంచి పాల్గొననున్న క్రీడాకారులు

ఈ 1st World Open Taekwondo Championship – 2026లో భారత్‌తో పాటు అమెరికా, జర్మనీ, గ్రీస్, శ్రీలంక, బంగ్లాదేశ్, ఇథియోపియా, జాంబియా, మారిషస్, ఉజ్బెకిస్తాన్, జింబాబ్వే, దక్షిణాఫ్రికా, నేపాల్ తదితర దేశాల నుంచి క్రీడాకారులు పాల్గొననున్నారని ఆర్గనైజింగ్ మేనేజర్ రాజు రాథోడ్ తెలిపారు.

అదేవిధంగా భారతదేశంలోని 20కి పైగా రాష్ట్రాల నుంచి క్రీడాకారులు పాల్గొనేందుకు ఆసక్తి చూపుతున్నారని తెలిపారు. తెలంగాణ, ఆంధ్రప్రదేశ్ రాష్ట్రాల నుంచి మరింత మంది క్రీడాకారులు పెద్ద సంఖ్యలో పాల్గొని ఈ మెగా ఛాంపియన్‌షిప్‌ను విజయవంతం చేయాలని ఆయన విజ్ఞప్తి చేశారు.

మాస్టర్స్, కోచ్‌ల పూర్తి సహకారం

ప్రెస్‌మీట్‌లో JR International Taekwondo Academy & Amical Sports Academy గ్రాండ్ మాస్టర్ జయంత్ రెడ్డి, Amical Sports Federation Founder వీణ వాహిని, Organising Manager రాజు రాథోడ్, Event Technical Manager ఖాన్తో పాటు మాస్టర్స్ మోయినుద్దీన్ సా, ఉపేందర్, శేఖర్, అమ్జద్, ఎస్.కె. రహ్మత్, ఖలీల్, మొయిన్, గజేందర్, సుభాష్, సుబ్రమణ్యం, మధుసూదన్ రావు, కె. మధుసూదన్, రాజేందర్, రాము, సుమన్ తదితరులు పాల్గొన్నారు.

ఈ సందర్భంగా మాస్టర్స్, అకాడమీ కోచ్‌లు, నిర్వాహకులు తమ వంతు సహకారం అందిస్తూ ఛాంపియన్‌షిప్‌ను ఘనంగా, విజయవంతంగా నిర్వహించేందుకు కృషి చేస్తామని తెలిపారు.

తెలంగాణ, ఆంధ్రప్రదేశ్‌తో పాటు దేశంలోని అన్ని రాష్ట్రాల తైక్వాండో మాస్టర్స్, అకాడమీ కోచ్‌లు తమ విద్యార్థులను ఈ ప్రతిష్ఠాత్మక 1st World Open Taekwondo Championship – 2026లో పాల్గొనేలా ప్రోత్సహించాలని ఆర్గనైజింగ్ మేనేజర్ రాజు రాథోడ్ కోరారు.

అంతర్జాతీయ స్థాయి వేదికపై తమ ప్రతిభను ప్రదర్శించేందుకు ఇది గొప్ప అవకాశమని, ప్రతి తైక్వాండో క్రీడాకారుడు ఈ ఛాంపియన్‌షిప్‌లో పాల్గొని విజయవంతం చేయాలని నిర్వాహకులు పిలుపునిచ్చారు.

— అయుష్ 24 న్యూస్

మరిన్ని వివరాలు & రిజిస్ట్రేషన్:
📞 8099444141 | 9550301223