ఉత్సాహంగా పాల్గొన్న వైద్యులు, కుటుంబ సభ్యులు – విజయవంతంగా ముగిసిన కార్యక్రమం
మల్లేపల్లి, అక్టోబర్ 15, 2026, AYUSH24 NEWS ప్రతినిధి:
ఇండియన్ మెడికల్ అసోసియేషన్ (ఐఎంఏ) దేవరకొండ శాఖ ఆధ్వర్యంలో మల్లేపల్లిలోని వీడీఎన్ ఫంక్షన్ హాల్‌లో దసరా దాండియా–ఎక్కం వేడుకలను ఘనంగా నిర్వహించారు. ఈ కార్యక్రమంలో దేవరకొండ ప్రాంతానికి చెందిన వైద్యులు, వారి కుటుంబ సభ్యులు ఉత్సాహంగా పాల్గొని పండుగ వాతావరణంలో ఆనందంగా గడిపారు.
ఈ వేడుకలకు డీసీహెచ్‌ఎస్ డాక్టర్ భాను ప్రసాద్‌తో పాటు ఐఎంఏ దేవరకొండ శాఖ సభ్యులు హాజరయ్యారు. వైద్యులు, వారి కుటుంబ సభ్యుల మధ్య స్నేహసంబంధాలను మరింత బలోపేతం చేసుకునేందుకు, దసరా పండుగ విశిష్టతను ఆస్వాదించేందుకు ఈ కార్యక్రమం చక్కటి వేదికగా నిలిచింది.
వేడుకల్లో పాల్గొన్న సభ్యులు పరస్పరం ఆత్మీయంగా కలుసుకొని ఆనందోత్సాహాలతో గడిపారు. అందరి సహకారం, చురుకైన భాగస్వామ్యంతో కార్యక్రమం విజయవంతంగా ముగిసింది.
ఈ సందర్భంగా నిర్వాహకులు మాట్లాడుతూ వైద్య వృత్తిలో నిత్యం బాధ్యతలతో బిజీగా ఉండే వైద్యులకు ఇటువంటి సాంస్కృతిక కార్యక్రమాలు మానసిక ఉల్లాసాన్ని కలిగించడంతో పాటు పరస్పర స్నేహభావాన్ని, ఐక్యతను పెంపొందించేందుకు దోహదపడతాయని పేర్కొన్నారు. వృత్తిపరమైన బాధ్యతలకు అతీతంగా వైద్యులు, వారి కుటుంబాల మధ్య ఆత్మీయ అనుబంధాలను మరింత బలోపేతం చేసేందుకు ఇలాంటి వేడుకలు ఉపయోగపడతాయని తెలిపారు.
Leave a Reply