ఎలిగేడుకు నూతన వ్యవసాయ మార్కెట్‌ ఏర్పాటు

మార్కెట్‌ పాలకవర్గం నియామకం — చైర్మన్‌గా పొట్యాల రమేష్

పెద్దపల్లి, సెప్టెంబర్ 12 — అయుష్ 24 న్యూస్:

పెద్దపల్లి జిల్లా ఎలిగేడు మండల రైతులకు ప్రభుత్వం శుభవార్త అందించింది. ప్రభుత్వ విప్, పెద్దపల్లి ఎమ్మెల్యే చింతకుంట విజయరమణరావు కృషితో ఎలిగేడులో నూతన వ్యవసాయ మార్కెట్‌ ఏర్పాటైంది.

వ్యవసాయ శాఖ జీఓ నంబర్‌ 570 ద్వారా నూతన మార్కెట్‌ పాలకవర్గాన్ని నియమిస్తూ ప్రభుత్వం ఉత్తర్వులు జారీ చేసింది.

మార్కెట్‌ కమిటీ చైర్మన్‌గా పొట్యాల రమేష్, వైస్‌ చైర్మన్‌గా కోరుకంటి వెంకటేశ్వరరావు నియమితులయ్యారు.

నూతన వ్యవసాయ మార్కెట్‌ అందుబాటులోకి రావడంతో ఎలిగేడు ప్రాంత రైతులకు పంటల విక్రయానికి మెరుగైన సౌకర్యాలు లభించనున్నాయి. ఇప్పటివరకు పంటలను ఇతర ప్రాంతాల మార్కెట్లకు తరలించాల్సి రావడంతో ఎదురైన రవాణా ఇబ్బందులు తగ్గే అవకాశం ఉంది.

స్థానికంగానే వ్యవసాయ ఉత్పత్తులను విక్రయించుకునే అవకాశం కలగడంతో రైతులకు సమయం, రవాణా ఖర్చులు ఆదా కావడంతో పాటు పంటలకు గిట్టుబాటు ధరలు లభించే అవకాశం ఉందని రైతులు హర్షం వ్యక్తం చేస్తున్నారు.

నూతన వ్యవసాయ మార్కెట్‌ ఏర్పాటు తమకు ఎంతో ప్రయోజనకరంగా ఉంటుందని రైతులు పేర్కొంటున్నారు.

— అయుష్ 24 న్యూస్