నాగరిగారి ప్రీతం కుటుంబాన్ని పరామర్శించిన మంత్రి

హైదరాబాద్, సెప్టెంబర్ 08:
హైదరాబాద్‌లోని చెంగిచెర్లలో తెలంగాణ రాష్ట్ర ఎస్సీ కార్పొరేషన్ మాజీ చైర్మన్ నాగరిగారి ప్రీతం మాతృమూర్తి వసంత రాణి ఇటీవల మృతి చెందారు. ఆమె దశదిన కార్యక్రమానికి రాష్ట్ర ఐటీ శాఖ మంత్రి శ్రీ దుద్దిళ్ల శ్రీధర్ బాబు హాజరయ్యారు.

ఈ సందర్భంగా వసంత రాణి చిత్రపటానికి పూలమాల వేసి నివాళులర్పించిన మంత్రి, అనంతరం నాగరిగారి ప్రీతం, కుటుంబ సభ్యులను పరామర్శించారు. ఆమె మృతి పట్ల ప్రగాఢ సానుభూతి వ్యక్తం చేస్తూ, కుటుంబ సభ్యులకు ధైర్యం చెప్పారు.

అయుష్ 24 న్యూస్ ప్రతినిధి, హైదరాబాద్