కొండమల్లెపల్లిలో రేపు వంటావార్పు కార్యక్రమం

కాంగ్రెస్‌ 1000 రోజుల పాలనకు నిరసనగా పోరుబాట

మహిళలు, వికలాంగులు, నాయకులు, కార్యకర్తలు భారీగా తరలిరావాలి: మాజీ ఎమ్మెల్యే రమావత్‌ రవీంద్రకుమార్‌

కొండమల్లెపల్లి, సెప్టెంబర్‌ 3 | అయుష్ 24 న్యూస్

కాంగ్రెస్‌ ప్రభుత్వం ఎన్నికల సమయంలో ప్రజలకు ఇచ్చిన హామీలను అమలు చేయడంలో విఫలమైందని ఆరోపిస్తూ బీఆర్‌ఎస్‌ చేపట్టిన పోరుబాట కార్యక్రమంలో భాగంగా సెప్టెంబర్‌ 4న కొండమల్లెపల్లి పట్టణంలో వంటావార్పు కార్యక్రమం నిర్వహించనున్నట్లు దేవరకొండ మాజీ ఎమ్మెల్యే రమావత్‌ రవీంద్రకుమార్‌ తెలిపారు.

గురువారం కొండమల్లెపల్లి పట్టణంలోని అంబేద్కర్‌ చౌరస్తాలో ఏర్పాటు చేయనున్న వంటావార్పు కార్యక్రమ స్థలాన్ని మాజీ ఎమ్మెల్యే పరిశీలించారు. ఈ సందర్భంగా ఆయన మాట్లాడుతూ.. కాంగ్రెస్‌ ప్రభుత్వం అధికారంలోకి వచ్చి 1000 రోజులు పూర్తవుతున్నా, ఎన్నికల సమయంలో మహిళలకు ఇచ్చిన హామీల అమలులో ప్రభుత్వం విఫలమైందని విమర్శించారు.

మహిళలకు నెలకు రూ.2,500 ఆర్థిక సాయం, కేసీఆర్‌ కిట్‌, కల్యాణలక్ష్మి, షాదీముబారక్‌ తదితర హామీలను వెంటనే అమలు చేయాలని డిమాండ్‌ చేస్తూ వంటావార్పు కార్యక్రమాన్ని నిర్వహిస్తున్నట్లు రమావత్‌ రవీంద్రకుమార్‌ పేర్కొన్నారు.

ఉదయం 10 గంటలకు వంటావార్పు

సెప్టెంబర్‌ 4, 2026 శుక్రవారం ఉదయం 10 గంటలకు కొండమల్లెపల్లి పట్టణంలోని అంబేద్కర్‌ చౌరస్తాలో వంటావార్పు కార్యక్రమం ప్రారంభమవుతుందని ఆయన తెలిపారు.

దేవరకొండ నియోజకవర్గంలోని మహిళలు, వికలాంగులు, మాజీ మండల అధ్యక్షులు, మాజీ సర్పంచులు, కౌన్సిలర్లు, బీఆర్‌ఎస్‌ మాజీ ప్రజాప్రతినిధులు, ముఖ్య నాయకులు, కార్యకర్తలు, పార్టీ శ్రేణులు అధిక సంఖ్యలో పాల్గొని కార్యక్రమాన్ని విజయవంతం చేయాలని రమావత్‌ రవీంద్రకుమార్‌ పిలుపునిచ్చారు.

— అయుష్ 24 న్యూస్
ది వాయిస్ ఆఫ్ ట్రూత్

Mahamood MohammedAY24-R-0008· 03 Sep 2026 · 08:12

📷 ఈ వార్తకు సంబంధించిన ఫోటోలు