మాతా అమృతానందమయి దేవిని కలిసి ఆశీస్సులు పొందిన మంత్రి

అమృతపురి (కొల్లం), సెప్టెంబర్ 4 (అయుష్ 24 న్యూస్): కేరళ రాష్ట్రం కొల్లం జిల్లాలోని ప్రసిద్ధ అమృతపురి ఆశ్రమాన్ని విద్య, ఐటీ, ఎలక్ట్రానిక్స్ శాఖల మంత్రి నారా లోకేష్ శుక్రవారం సందర్శించారు.

అమృతపురి ఆశ్రమానికి చేరుకున్న మంత్రి నారా లోకేష్‌కు ఆశ్రమ నిర్వాహకులు ఘన స్వాగతం పలికారు. ఈ సందర్భంగా ఆశ్రమ ప్రాంగణంలోని కాళీ దేవాలయాన్ని, కలరిని ఆయన సందర్శించారు.

అనంతరం శ్రీ మాతా అమృతానందమయి దేవితో మంత్రి నారా లోకేష్ ప్రత్యేకంగా భేటీ అయ్యారు. ఈ సందర్భంగా మాతా అమృతానందమయి దేవి ఆశీస్సులు పొందారు.

తదుపరి అమృత విశ్వవిద్యాపీఠం క్యాంపస్‌ను, అమృత ఆయుర్వేద కళాశాలను మంత్రి సందర్శించి అక్కడి కార్యకలాపాలను పరిశీలించారు. దాదాపు మూడు గంటల పాటు మంత్రి లోకేష్ అమృతపురి ఆశ్రమంలో గడిపారు.

raju rathod· 04 Sep 2026 · 12:28