ఆగస్టు 15లోపు కాంగ్రెస్ కమిటీలు పూర్తి చేయాలి.. లేకుంటే ‘మాజీ’ అనే పదం జోడించుకోవాల్సిందే: టీపీసీసీ

డీసీసీ అధ్యక్షులకు టీపీసీసీ చీఫ్ బొమ్మ మహేష్ కుమార్ గౌడ్ కీలక ఆదేశాలు – మండల, టౌన్, డివిజన్ కమిటీల ఏర్పాటుకు గడువు

AYUSH24 NEWS | హైదరాబాద్

ఏఐసీసీ మార్గదర్శకాల మేరకు తెలంగాణ రాష్ట్రంలోని అన్ని జిల్లాల్లో మండల, టౌన్, డివిజన్ కాంగ్రెస్ కమిటీలను ఆగస్టు 15లోపు తప్పనిసరిగా పూర్తి చేయాలని టీపీసీసీ అధ్యక్షుడు బొమ్మ మహేష్ కుమార్ గౌడ్ జిల్లా కాంగ్రెస్ కమిటీ (డీసీసీ) అధ్యక్షులకు స్పష్టమైన ఆదేశాలు జారీ చేశారు.

ఈ సందర్భంగా ఆయన మాట్లాడుతూ, నిర్ణయించిన గడువులోపు కమిటీలను పూర్తి చేయని పక్షంలో సంబంధిత పదవులకు “మాజీ” అనే పదం జోడించాల్సిన పరిస్థితి వస్తుందని హెచ్చరించారు.

జిల్లా కాంగ్రెస్ అధ్యక్షులు ఆలస్యం చేయకుండా మండల, టౌన్, డివిజన్ స్థాయిలో పార్టీ అధ్యక్షులను వెంటనే ఎంపిక చేసి, కమిటీలను పూర్తి చేసి పార్టీని క్షేత్రస్థాయిలో మరింత బలోపేతం చేయాలని సూచించారు.

పార్టీ బలోపేతంలో ప్రతి నాయకుడు బాధ్యతాయుతంగా వ్యవహరించాలని, సంస్థాగత నిర్మాణాన్ని గడువులోపు పూర్తి చేయడం అత్యంత కీలకమని టీపీసీసీ పేర్కొంది.

“ఆగస్టు 15 గడువు… కమిటీలు పూర్తి చేయండి… కాంగ్రెస్ పార్టీని మరింత బలోపేతం చేయండి!”

– AYUSH24 NEWS | The Voice of Truth

అనుమతులు లేని ‘ఎస్‌పీఆర్ హైస్కూల్’, అక్రమ హాస్టల్‌ను తక్షణమే సీజ్ చేయాలి: ఎంఈఓకు విద్యార్థి, ప్రజా సంఘాల వినతి

హైకోర్టు, విద్యాశాఖ ఉత్తర్వులను అమలు చేయాలని డిమాండ్ – అక్రమాలపై కఠిన చర్యలు తీసుకోవాలని విజ్ఞప్తి

AYUSH24 NEWS | కొండమల్లేపల్లి | 04-08-2026

కొండమల్లేపల్లిలో అనుమతులు లేకుండా నడుస్తున్నట్లు ఆరోపణలు ఎదుర్కొంటున్న ‘ఎస్‌పీఆర్ హైస్కూల్’ మరియు అనుమతి లేని రెసిడెన్షియల్ హాస్టల్‌పై తక్షణమే చట్టపరమైన చర్యలు తీసుకుని సీజ్ చేయాలని డిమాండ్ చేస్తూ వివిధ విద్యార్థి, ప్రజా సంఘాల నాయకులు మంగళవారం మండల విద్యాశాఖాధికారి (ఎంఈఓ)కు వినతిపత్రం సమర్పించారు.

రైట్ టు ఇన్ఫర్మేషన్ సర్వీస్ సొసైటీ (RTISS) ఫౌండర్, నేషనల్ ప్రెసిడెంట్ కేతావత్ బాబురామ్ నాయక్ ఆధ్వర్యంలో టి.ఎన్.ఎస్.ఎఫ్. దేవరకొండ ఇన్‌ఛార్జ్ జార్పుల జగన్ నాయక్, వైఎస్‌ఆర్‌ఎస్‌యూ జిల్లా అధ్యక్షుడు ఎండి. సిరాజ్, ఎస్‌హెచ్‌పీఎస్ రాష్ట్ర ఉపాధ్యక్షుడు కె. రమేష్ నాయక్, ఎన్‌ఎస్‌యూఐ నేషనల్ కో-ఆర్డినేటర్ పి. శ్రీకాంత్తో పాటు పలు విద్యార్థి సంఘాల నాయకులు ఈ వినతిపత్రాన్ని అందజేశారు.

ఈ సందర్భంగా నాయకులు మాట్లాడుతూ, తెలంగాణ హైకోర్టు, కమర్షియల్ కోర్టు, ప్రాంతీయ విద్యా సంచాలకుల (RJDSE) ఉత్తర్వుల ప్రకారం ‘ఎస్‌పీఆర్ హైస్కూల్’ పేరును వినియోగించరాదని స్పష్టమైన ఆదేశాలు ఉన్నప్పటికీ, యాజమాన్యం చట్టవిరుద్ధంగా తరగతులు, అడ్మిషన్లు నిర్వహిస్తోందని ఆరోపించారు.

అలాగే, ప్రభుత్వ అనుమతులు, ఫైర్ సేఫ్టీ ఎన్‌ఓసీ లేకుండా రెసిడెన్షియల్ హాస్టల్ నిర్వహించడం వల్ల విద్యార్థుల భద్రత ప్రమాదంలో పడుతోందని పేర్కొన్నారు. పాఠశాల భవనం చెరువు ఎఫ్‌టీఎల్ (Full Tank Level) / బఫర్ జోన్ పరిధిలో ఉందని, దీనిపై రెవెన్యూ, ఇరిగేషన్ శాఖలతో కలిసి సమగ్ర విచారణ జరిపించాలని కోరారు.

ఉచిత నిర్బంధ విద్యా హక్కు చట్టం (RTE Act-2009), తెలంగాణ విద్యా చట్టం-1982 నిబంధనల ప్రకారం గుర్తింపు లేని పాఠశాల నిర్వహణపై జరిమానాలు విధించడంతో పాటు, బాధ్యులపై క్రిమినల్ కేసులు నమోదు చేయాలని డిమాండ్ చేశారు.

అలాగే క్షేత్రస్థాయిలో తనిఖీలు నిర్వహించి, అక్రమ పాఠశాల, హాస్టల్‌ను సీజ్ చేసి పూర్తి నివేదికను జిల్లా విద్యాశాఖాధికారి (డీఈఓ)కు పంపించాలని ఎంఈఓను కోరారు.

ఈ కార్యక్రమంలో కేతావత్ బాబురామ్ నాయక్, జార్పుల జగన్ నాయక్, ఎండి. సిరాజ్, కె. రమేష్ నాయక్, పి. శ్రీకాంత్, బి. వెంకటేష్, కె. నరేష్, వి. ఆంజనేయులు, రామ్‌దాస్, రాజు నాయక్తో పాటు వివిధ విద్యార్థి, ప్రజా సంఘాల నాయకులు, కార్యకర్తలు పాల్గొన్నారు.

– AYUSH24 NEWS | The Voice of Truth

గుడిపల్లిలో నూతన ప్రాథమిక ఆరోగ్య ఉపకేంద్రం ప్రారంభించిన ఎమ్మెల్యే నేనావత్ బాలు నాయక్

గ్రామీణ ప్రజలకు నాణ్యమైన వైద్య సేవలందించడమే కాంగ్రెస్ ప్రభుత్వ లక్ష్యం – ఎమ్మెల్యే

AYUSH24 NEWS | గుడిపల్లి | 04-08-2026

దేవరకొండ నియోజకవర్గంలోని గుడిపల్లి మండల కేంద్రంలో నూతనంగా నిర్మించిన ప్రాథమిక ఆరోగ్య ఉపకేంద్రం భవనాన్ని దేవరకొండ ఎమ్మెల్యే శ్రీ నేనావత్ బాలు నాయక్ సంబంధిత అధికారులతో కలిసి మంగళవారం ప్రారంభించారు. అనంతరం ఆసుపత్రి భవనంలోని వివిధ విభాగాలను పరిశీలించి వైద్య సేవలపై అధికారులతో సమీక్ష నిర్వహించారు.

ఈ సందర్భంగా ఎమ్మెల్యే బాలు నాయక్ మాట్లాడుతూ, గ్రామీణ ప్రాంత ప్రజలకు మెరుగైన వైద్య సేవలను వారి ఇంటి వద్దకే అందించాలనే లక్ష్యంతో ముఖ్యమంత్రి శ్రీ ఎనుముల రేవంత్ రెడ్డి నాయకత్వంలోని కాంగ్రెస్ ప్రభుత్వం ఆరోగ్య రంగానికి అత్యంత ప్రాధాన్యత ఇస్తోందన్నారు. ప్రభుత్వ ఆసుపత్రుల బలోపేతం, మౌలిక వసతుల కల్పన, వైద్య సిబ్బంది నియామకం, ఆధునిక వైద్య పరికరాల ఏర్పాటు ద్వారా ప్రజలకు నాణ్యమైన వైద్య సేవలు అందిస్తున్నట్లు తెలిపారు.

గుడిపల్లి ఆరోగ్య ఉపకేంద్రం అందుబాటులోకి రావడంతో మండల కేంద్రంతో పాటు పరిసర గ్రామాల ప్రజలకు సకాలంలో వైద్య సేవలు అందనున్నాయని ఎమ్మెల్యే పేర్కొన్నారు. గర్భిణీలు, బాలింతలు, చిన్నారులు, వృద్ధులు, దీర్ఘకాలిక వ్యాధులతో బాధపడుతున్న వారు ఈ కేంద్రంలో అందించే తల్లి–శిశు సంరక్షణ, టీకాలు, రక్తపోటు, మధుమేహ పరీక్షలు, ప్రాథమిక చికిత్స, అవసరమైన మందులు వంటి సేవలను సద్వినియోగం చేసుకోవాలని సూచించారు.

ప్రజలు చిన్న ఆరోగ్య సమస్యలను నిర్లక్ష్యం చేయకుండా ప్రభుత్వ ఆరోగ్య కేంద్రాలను ఆశ్రయించాలని, ప్రభుత్వ ఆసుపత్రులపై ప్రజలకు మరింత విశ్వాసం కలిగేలా వైద్య సిబ్బంది సేవలందించాలని అన్నారు.

వైద్యులు, సిబ్బందిని ఉద్దేశించి మాట్లాడుతూ, ఆసుపత్రికి వచ్చే ప్రతి రోగిని ఆప్యాయంగా, మర్యాదపూర్వకంగా పలకరించి మానవత్వంతో సేవలందించాలని సూచించారు. ముఖ్యంగా పేదలు, వృద్ధులు, గర్భిణీలు, అత్యవసర పరిస్థితుల్లో వచ్చే రోగులకు ఎలాంటి ఇబ్బందులు లేకుండా సకాలంలో నాణ్యమైన వైద్య సేవలు అందించాలని ఆదేశించారు.

రాష్ట్ర ప్రభుత్వం ప్రజల ఆరోగ్యాన్ని అత్యంత విలువైన సంపదగా భావిస్తోందని, దేవరకొండ నియోజకవర్గంలోని ప్రతి గ్రామానికి మెరుగైన వైద్యం, విద్య, రహదారులు, తాగునీరు వంటి మౌలిక సదుపాయాలు కల్పించడమే తమ లక్ష్యమని ఎమ్మెల్యే స్పష్టం చేశారు.

ఈ కార్యక్రమంలో మండల కాంగ్రెస్ పార్టీ అధ్యక్షులు, జిల్లా కాంగ్రెస్ నాయకులు, వైద్యులు, వైద్య సిబ్బంది, సర్పంచులు, ప్రజాప్రతినిధులు, సంబంధిత శాఖ అధికారులు, గ్రామ పెద్దలు, పార్టీ కార్యకర్తలు, స్థానిక ప్రజలు పెద్ద సంఖ్యలో పాల్గొన్నారు.

– AYUSH24 NEWS | The Voice of Truth

‘మన ఊరు – మన కోచింగ్ సెంటర్’ ప్రారంభం.. నిరుద్యోగ యువతకు ఉచిత SI, కానిస్టేబుల్ శిక్షణ ప్రారంభించిన మంత్రి శ్రీధర్ బాబు

మాజీ స్పీకర్ దుద్దిళ్ల శ్రీపాదరావుకు నివాళి.. మూడు నెలలు కష్టపడితే ఉద్యోగం సాధ్యమేనని యువతకు మంత్రి పిలుపు

AYUSH24 NEWS | మంథని

ఉమ్మడి ఆంధ్రప్రదేశ్ మాజీ శాసనసభ స్పీకర్ స్వర్గీయ దుద్దిళ్ల శ్రీపాదరావు గారికి రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు పూలమాలలు వేసి ఘనంగా నివాళులర్పించారు.

అనంతరం “మన ఊరు – మన కోచింగ్ సెంటర్” కార్యక్రమంలో భాగంగా మంథని నియోజకవర్గ నిరుద్యోగ యువతను ఉద్యోగులుగా తీర్చిదిద్దే లక్ష్యంతో శ్రీ విశ్వ అకాడమీ ఆధ్వర్యంలో SI, కానిస్టేబుల్ ఉచిత శిక్షణ తరగతులను మంత్రి శ్రీధర్ బాబు ప్రారంభించారు.

ఈ సందర్భంగా మంత్రి మాట్లాడుతూ, యువత ఉద్యోగ సాధనలో విజయాన్ని అందుకోవాలంటే లక్ష్యంపై పూర్తి దృష్టి, క్రమశిక్షణ, నిరంతర కృషి అవసరమని అన్నారు. కేవలం మూడు నెలలు పట్టుదలతో శ్రమిస్తే అనుకున్న గమ్యానికి చేరువ కావచ్చని పేర్కొన్నారు.

ప్రతిరోజూ ఉదయం 4 గంటలకు నిద్రలేచి చదువుకు సమయం కేటాయించాలని, మూడు నెలలు కుటుంబానికి దూరంగా ఉండాల్సి వచ్చినా భవిష్యత్తు కోసం కష్టపడాలని విద్యార్థులకు సూచించారు. ఉద్యోగం సాధించాలనే తపన ప్రతి ఒక్కరిలో ఉండాలని, కోచింగ్ సెంటర్‌లో చదువుతో పాటు భోజన సౌకర్యం కూడా కల్పించినట్లు తెలిపారు.

ప్రతిరోజూ నిర్వహించే పరీక్షల్లో వెనుకబడినా నిరాశ చెందకుండా, ఎక్కడ తప్పు జరిగిందో ఉపాధ్యాయులను అడిగి తెలుసుకొని మరింత మెరుగుపడాలని సూచించారు. యువత తమ భవిష్యత్తుపై స్పష్టమైన లక్ష్యంతో ముందుకు సాగాలని, శిక్షణ మధ్యలో మరోసారి వచ్చి విద్యార్థులతో సమావేశమై వారి సమస్యలు తెలుసుకుంటానని హామీ ఇచ్చారు.

ఈ కార్యక్రమంలో ప్రజాప్రతినిధులు, నిర్వాహకులు, విద్యార్థులు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.

– AYUSH24 NEWS | The Voice of Truth

తల్లిపాల వారోత్సవాల సందర్భంగా చిన్నారికి ఘనంగా అన్నప్రాశన వేడుక

అంగన్‌వాడీ ఆధ్వర్యంలో సహాన్స్ నాయక్‌కు అన్నప్రాశన – తల్లిపాల ప్రాధాన్యంపై అవగాహన

AYUSH24 NEWS | టేకులపల్లి

తల్లిపాల వారోత్సవాల సందర్భంగా భద్రాద్రి కొత్తగూడెం జిల్లా టేకులపల్లి మండలంలోని పెగళ్లపాడు గ్రామ పంచాయతీ పరిధిలోని తూర్పుగూడెం తండాలో అంగన్‌వాడీ కేంద్రం ఆధ్వర్యంలో చిన్నారి జాటోత్ సహాన్స్ నాయక్కు సంప్రదాయబద్ధంగా అన్నప్రాశన వేడుక నిర్వహించారు.

జాటోత్ నరేష్ నాయక్ – సింధూర దంపతుల కుమారుడు సహాన్స్ నాయక్‌కు కుటుంబ సభ్యుల సమక్షంలో అన్నప్రాశన నిర్వహించి ఆశీర్వదించారు.

ఈ సందర్భంగా అంగన్‌వాడీ సిబ్బంది తల్లిపాల ప్రాధాన్యత, శిశు పోషణ, ఆరోగ్యకరమైన ఆహారపు అలవాట్లపై తల్లులకు అవగాహన కల్పించారు. శిశువుల ఆరోగ్యకరమైన ఎదుగుదలకు తల్లిపాలు, అనంతరం పౌష్టికాహారం ఎంతో అవసరమని వివరించారు.

ఈ కార్యక్రమంలో అంగన్‌వాడీ టీచర్లు అనసూర్య, వెంకటరమణ, చిన్నారులు, తల్లిదండ్రులు, గ్రామస్థులు పాల్గొన్నారు.

– AYUSH24 NEWS | The Voice of Truth

టేకులపల్లి గ్రామపంచాయతీ కార్యాలయానికి ఇష్టానుసారంగా తాళం.. ప్రజల్లో తీవ్ర ఆగ్రహం

కార్యాలయ సమయాల్లో సేవలు లేక ప్రజలకు ఇబ్బందులు.. విచారణ చేసి చర్యలు తీసుకోవాలని గ్రామస్థుల డిమాండ్

AYUSH24 NEWS | టేకులపల్లి

భద్రాద్రి కొత్తగూడెం జిల్లా టేకులపల్లి మండలంలోని టేకులపల్లి గ్రామపంచాయతీ కార్యాలయం నిర్ణీత కార్యాలయ సమయాల్లో తెరవకపోవడంతో గ్రామ ప్రజలు తీవ్ర అసంతృప్తి వ్యక్తం చేస్తున్నారు. పంచాయతీ సెక్రటరీ, సర్పంచ్ ఇష్టానుసారంగా కార్యాలయాన్ని తెరవడం, మూసివేయడం జరుగుతోందని గ్రామస్థులు ఆరోపిస్తున్నారు.

ప్రభుత్వ కార్యాలయం ప్రజలకు అందుబాటులో ఉండాల్సిన సమయంలో తాళం వేసి ఉండటంతో జనన, మరణ ధ్రువీకరణ పత్రాలు, పన్నుల చెల్లింపులు, సంక్షేమ పథకాల దరఖాస్తులు, ఇతర ప్రజా సేవల కోసం వచ్చిన ప్రజలు తీవ్ర ఇబ్బందులు ఎదుర్కొంటున్నట్లు తెలిపారు.

“మాకు నచ్చినప్పుడే కార్యాలయం తెరుస్తాం.. మాకు నచ్చినప్పుడే తాళం వేస్తాం” అన్నట్లుగా అధికారులు వ్యవహరిస్తున్నారని గ్రామస్థులు ఆగ్రహం వ్యక్తం చేశారు. ప్రభుత్వ నిబంధనల ప్రకారం నిర్ణీత సమయాల్లో కార్యాలయం పనిచేసి ప్రజలకు సేవలు అందించాల్సి ఉన్నప్పటికీ, వాటిని అమలు చేయడం లేదని ఆరోపించారు.

ఈ వ్యవహారంపై జిల్లా కలెక్టర్, జిల్లా పంచాయతీ అధికారి (DPO), ఎంపీడీఓతో పాటు సంబంధిత ఉన్నతాధికారులు వెంటనే విచారణ జరిపి, గ్రామపంచాయతీ కార్యాలయం నిర్ణీత సమయాల్లో పనిచేసేలా చర్యలు తీసుకోవాలని గ్రామ ప్రజలు డిమాండ్ చేశారు. విధుల్లో నిర్లక్ష్యం లేదా నిబంధనల ఉల్లంఘన జరిగినట్లు తేలితే సంబంధిత అధికారులపై చట్టపరమైన చర్యలు తీసుకోవాలని కోరారు.

– AYUSH24 NEWS | The Voice of Truth

బాధిత కుటుంబాలకు అండగా కాంగ్రెస్ నాయకులు – ఆర్థిక సహాయం అందించిన కోరం సురేందర్, ఎమ్మెల్యే కోరం కనకయ్య

ఆర్‌సీ పేటలో ప్రమాద మృతుడి కుటుంబానికి రూ.10 వేలు.. హనుమతండాలో మృతుడి కుటుంబాన్ని పరామర్శించిన ఎమ్మెల్యే

AYUSH24 NEWS

జిల్లాలో వేర్వేరు గ్రామాల్లో విషాదంలో ఉన్న కుటుంబాలను కాంగ్రెస్ పార్టీ నాయకులు పరామర్శించి వారికి ఆర్థిక సహాయం అందించి అండగా నిలిచారు.

ఆర్‌సీ పేట గ్రామానికి చెందిన ఈసం వెంకటేశ్వర్లు ఇటీవల ప్రమాదవశాత్తు మృతి చెందగా, వారి కుటుంబ సభ్యులను జిల్లా కాంగ్రెస్ పార్టీ నాయకులు కోరం సురేందర్ పరామర్శించారు. ఈ సందర్భంగా బాధిత కుటుంబానికి తన వంతు సహాయంగా రూ.10,000 ఆర్థిక సహాయాన్ని అందజేసి, కుటుంబానికి అండగా ఉంటామని భరోసా ఇచ్చారు.

ఈ కార్యక్రమంలో గ్రామ సర్పంచ్ వాసం సువర్ణ, ఉపసర్పంచ్ ఈసం వెంకటేశ్వర్లు, కాంగ్రెస్ పార్టీ నాయకులు, కార్యకర్తలు, గ్రామ పెద్దలు, స్థానికులు పాల్గొన్నారు.

అదే విధంగా కోయగూడెం గ్రామ పంచాయతీ పరిధిలోని హనుమతండా గ్రామానికి చెందిన గుగులోత్ శంకర్ అనారోగ్యంతో మృతి చెందగా, ఇల్లందు ఎమ్మెల్యే కోరం కనకయ్య వారి నివాసానికి వెళ్లి భౌతికకాయానికి పూలమాల వేసి ఘనంగా నివాళులర్పించారు.

అనంతరం మృతుని కుటుంబ సభ్యులను పరామర్శించి ప్రగాఢ సానుభూతి వ్యక్తం చేసిన ఎమ్మెల్యే, దహన సంస్కారాల నిమిత్తం ఆర్థిక సహాయాన్ని అందించారు.

ఈ కార్యక్రమంలో జిల్లా కాంగ్రెస్ పార్టీ నాయకులు కోరం సురేందర్, కోయగూడెం గ్రామ సర్పంచ్ కోరం సుభాష్ చంద్రబోస్, కాంగ్రెస్ పార్టీ నాయకులు, కార్యకర్తలు, గ్రామస్థులు పాల్గొన్నారు.

– AYUSH24 NEWS | The Voice of Truth

కొండమల్లేపల్లిలో 27 మంది లబ్ధిదారులకు రూ.27.03 లక్షల కల్యాణ లక్ష్మి చెక్కులు పంపిణీ చేసిన ఎమ్మెల్యే నేనావత్ బాలు నాయక్

ఆడబిడ్డల కుటుంబాలకు ఆర్థిక భరోసా కల్పించడమే కాంగ్రెస్ ప్రభుత్వ లక్ష్యం – ఎమ్మెల్యే

AYUSH24 NEWS | కొండమల్లేపల్లి | 04-08-2026

దేవరకొండ నియోజకవర్గంలోని కొండమల్లేపల్లి మండలానికి చెందిన 27 మంది లబ్ధిదారులకు మొత్తం రూ.27,03,132 విలువైన కల్యాణ లక్ష్మి చెక్కులను దేవరకొండ ఎమ్మెల్యే శ్రీ నేనావత్ బాలు నాయక్ సంబంధిత అధికారులతో కలిసి పంపిణీ చేశారు.

ఈ సందర్భంగా ఎమ్మెల్యే బాలు నాయక్ మాట్లాడుతూ, పేద మరియు మధ్యతరగతి కుటుంబాలపై వివాహ సమయంలో పడే ఆర్థిక భారాన్ని తగ్గించేందుకు కల్యాణ లక్ష్మి పథకం ఎంతో ఉపయోగపడుతోందని అన్నారు. ముఖ్యమంత్రి శ్రీ ఎనుముల రేవంత్ రెడ్డి నాయకత్వంలోని కాంగ్రెస్ ప్రభుత్వం సంక్షేమ పాలనకు అత్యంత ప్రాధాన్యత ఇస్తూ అర్హులైన ప్రతి కుటుంబానికి ప్రభుత్వ సంక్షేమ పథకాల ఫలాలు అందేలా కృషి చేస్తోందని తెలిపారు.

పేద కుటుంబాల ఆడబిడ్డల వివాహానికి ప్రభుత్వం అందిస్తున్న ఆర్థిక సహాయం కుటుంబాలకు ఎంతో ఊరటనిస్తోందని పేర్కొన్నారు. ప్రజలకు ఇచ్చిన హామీలను పారదర్శకంగా అమలు చేస్తూ, అర్హులైన ప్రతి లబ్ధిదారునికి ఎలాంటి ఇబ్బందులు లేకుండా ప్రభుత్వ సహాయం అందేలా కాంగ్రెస్ ప్రభుత్వం పనిచేస్తోందన్నారు.

సంక్షేమ పథకాలు ప్రజల జీవితాల్లో నిజమైన మార్పు తీసుకురావాలన్నదే రాష్ట్ర ప్రభుత్వ లక్ష్యమని, పేదల సంక్షేమమే కాంగ్రెస్ ప్రభుత్వ పాలనకు మూల సూత్రమని ఎమ్మెల్యే స్పష్టం చేశారు. దేవరకొండ నియోజకవర్గంలోని ప్రతి అర్హ కుటుంబానికి ప్రభుత్వం అమలు చేస్తున్న సంక్షేమ పథకాల ప్రయోజనాలు చేరేలా నిరంతరం కృషి చేస్తున్నామని తెలిపారు.

ప్రభుత్వ సంక్షేమ పథకాలపై ప్రజలు పూర్తి అవగాహన కలిగి ఉండాలని, అర్హులైన వారు తప్పకుండా దరఖాస్తు చేసుకుని ప్రభుత్వ సహాయాన్ని పొందాలని ఎమ్మెల్యే బాలు నాయక్ సూచించారు.

ఈ కార్యక్రమంలో పీఏసీఎస్ చైర్మన్ దూదిపాల వేణుధర్ రెడ్డి, కొండమల్లేపల్లి మండల కాంగ్రెస్ పార్టీ అధ్యక్షుడు కాసర్ల వెంకటేశ్వర్లు, గుడిపల్లి మండల కాంగ్రెస్ పార్టీ యువ నాయకుడు ముచ్చర్ల శ్రీకాంత్ యాదవ్, జరుపుల శంకర్, సంబంధిత శాఖ అధికారులు, లబ్ధిదారులు తదితరులు పాల్గొన్నారు.

– AYUSH24 NEWS | The Voice of Truth

హైకోర్టు న్యాయవాది ఇనుముల సతీష్ కుటుంబాన్ని పరామర్శించిన గోటిగారి కిషన్‌జీ

AYUSH24 NEWS | మంథని

మంథని పట్టణానికి చెందిన హైకోర్టు న్యాయవాది ఇనుముల సతీష్ గారి తల్లి గౌరమ్మ మృతి చెందగా, వారి కుటుంబ సభ్యులను గోటిగారి కిషన్‌జీ పరామర్శించి ప్రగాఢ సానుభూతి తెలిపారు.

ఈ సందర్భంగా గౌరమ్మ గారి చిత్రపటానికి నివాళులర్పించిన గోటిగారి కిషన్‌జీ, వారి ఆత్మకు శాంతి చేకూరాలని ప్రార్థించారు. అనంతరం ఇనుముల సతీష్‌తో పాటు కుటుంబ సభ్యులను ఓదార్చి, ఈ విషాదాన్ని తట్టుకునే మనోధైర్యాన్ని భగవంతుడు ప్రసాదించాలని ఆకాంక్షించారు.

ఈ కార్యక్రమంలో రఘోత్తం రెడ్డితో పాటు పలువురు ప్రముఖులు, కుటుంబ సభ్యులు, స్థానికులు పాల్గొని గౌరమ్మ గారికి ఘనంగా నివాళులర్పించారు.

– AYUSH24 NEWS | The Voice of Truth

“పరిసరాల పరిశుభ్రత మనందరి బాధ్యత” – తాటికోల్ జెడ్పీహెచ్‌ఎస్‌లో అవగాహన కార్యక్రమం

పరిశుభ్రమైన గ్రామమే ఆరోగ్యకరమైన సమాజానికి పునాది – సర్పంచ్ విజయ్

AYUSH24 NEWS | దేవరకొండ

దేవరకొండ మండలంలోని **తాటికోల్ జిల్లా పరిషత్ ఉన్నత పాఠశాల (ZPHS)**లో మంగళవారం “పరిసరాల పరిశుభ్రత – మనందరి బాధ్యత” అనే అంశంపై విద్యార్థులకు అవగాహన కార్యక్రమాన్ని నిర్వహించారు.

ఈ కార్యక్రమంలో ముఖ్య అతిథిగా పాల్గొన్న తాటికోల్ గ్రామ సర్పంచ్ విజయ్ మాట్లాడుతూ, పరిశుభ్రమైన పరిసరాలు మంచి ఆరోగ్యానికి, అందమైన వాతావరణానికి పునాదిగా నిలుస్తాయని అన్నారు. తరగతి గదిలో పాఠ్యాంశాలతో పాటు పర్యావరణ పరిరక్షణ, పరిశుభ్రతపై విద్యార్థులకు అవగాహన కల్పించడం ప్రతి విద్యాసంస్థ బాధ్యత అని పేర్కొన్నారు.

విద్యార్థులు ఎక్కడపడితే అక్కడ చెత్త వేయకుండా, తడి చెత్త, పొడి చెత్త, ప్రమాదకర చెత్త, పారిశుద్ధ్య చెత్తలను వేర్వేరుగా సేకరించి సరైన విధంగా నిర్వహించాలని సూచించారు. ఇళ్లు, పాఠశాలలు, వీధులు, పరిసరాలను ఎల్లప్పుడూ పరిశుభ్రంగా ఉంచాలని, ప్లాస్టిక్ వినియోగాన్ని తగ్గించి ఎక్కువగా మొక్కలు నాటాలని పిలుపునిచ్చారు.

అలాగే నీరు నిల్వ ఉండకుండా చర్యలు తీసుకోవడం ద్వారా దోమల వ్యాప్తిని అరికట్టి, అంటువ్యాధులను నివారించవచ్చని తెలిపారు. పరిశుభ్రతను ప్రతి ఒక్కరూ తమ బాధ్యతగా భావిస్తే ఆరోగ్యకరమైన గ్రామం, స్వచ్ఛమైన సమాజం నిర్మించవచ్చని విద్యార్థులకు వివరించారు.

ఈ కార్యక్రమంలో ప్రధానోపాధ్యాయులు బక్కయ్య, ఉపాధ్యాయులు, విద్యార్థులు తదితరులు పాల్గొన్నారు.

– AYUSH24 NEWS | The Voice of Truth